Cristo parou en Éboli
Cristo parou en Éboli[1] (en italiano, Cristo si è fermato a Eboli) é unha novela autobiográfica do escritor Carlo Levi, escrita entre decembro de 1943 e xullo de 1944 en Florencia e publicada en Italia en 1945.
| Cristo parou en Éboli | |
|---|---|
 | |
| Título orixinal | Cristo si è fermato a Eboli |
| Autor/a | Carlo Levi |
| Orixe | Italia |
| Lingua | Italiano |
| Colección | Grandes do noso tempo |
| Xénero(s) | Novela |
| Editorial |  Giulio Einaudi Editore Edicións Xerais |
| Data de pub. | 1945 1990 |
| Formato | Tapas duras e brandas |
| Páxinas | 236 |
| ISBN | ISBN 84-7507-469-3 |
| Tradución | Silvia Gaspar |
| [ editar datos en Wikidata ] | |
Foi traducido ó galego por Silvia Gaspar e foi publicado por Edicións Xerais no ano 1990, na colección Grandes do noso tempo.[1]
Contexto editar
Baixo o réxime fascista, nos anos 1935 e 1936, o escritor foi condenado ó desterro en Lucania polas súas actividades antifascistas. Nesa rexión, actualmente chamada Basilicata, pasou unha longa tempada en Aliano (vila chamada Gagliano na novela para imitar a pronuncia local), onde tivo a oportunidade de coñecer a realidade desa terra e das súas xentes. Ó regreso do seu desterro, tras pasar unha longa tempada en Francia, Levi escribe a novela na que evoca a súa estancia primeiro en Grassano e posteriormente en Gagliano. O propio Levi, escribe no seu prefacio: “Coma se dunha viaxe ó comezo dos tempos se tratase, Cristo parou en Éboli relata o descubrimento dunha “civilización” diferente, a dos campesiños do Mezzogiorno, unha civilización allea á historia e á razón progresiva, unha civilización de sabedoría antiga e paciente dor. Porén, o libro non se pode considerar un diario xa que foi escrito moitos anos despois da experiencia que o inspira, cando as impresións reais deixaran de ter a necesidade prosaica do documento”. Segundo o escritor italiano Rocco Scotellaro, “Cristo parou en Éboli constitúe a evocación máis apaixonante e cruel dos nosos pobos”.
Notas editar
- ↑ 1,0 1,1 Cristo parou en Éboli. Traducido por Silvia Gaspar (1ª ed.). Vigo: Edicións Xerais. 1990. ISBN 84-7507-469-3 – vía Biblioteca da Tradución Galega.