Cristino Álvarez Herrera

Para outras páxinas con títulos homónimos véxase: Cristino Álvarez.

Cristino Álvarez Herrera, nado na Coruña o 26 de outubro de 1947 e finado en Madrid o 19 de xaneiro de 2018, foi un xornalista galego especializado en gastronomía, coñecido polo pseudónimo de Caius Apicius, co que asinou os seus artigos, reportaxes e críticas nesta materia.

Cristino Álvarez Herrera
Nacemento	26 de outubro de 1947
	A Coruña
Falecemento	19 de xaneiro de 2018
	Madrid
Nacionalidade	España
Ocupación	xornalista
Pai	Cristino Álvarez Hernández
[ editar datos en Wikidata ]

Traxectoria

Foi fillo de Cristino Álvarez Hernández, unha relevante figura do franquismo na cidade da Coruña, que nos anos en que naceu Cristino Álvarez era concelleiro e posteriormente primeiro tenente de alcalde da cidade. Diplomado en xornalismo, foi xefe de información parlamentaria, editor e xefe de deportes e xefe de edición na Axencia EFE.

Admirador de Álvaro Cunqueiro, Josep Pla, Julio Camba, Martínez Llopis ou Néstor Luján, en xaneiro de 1981 comezou a publicar os seus traballos gastronómicos na Axencia EFE. Foi colaborador habitual de revistas como Sobremesa e xornais como La Voz de Galicia.

Distincións

• Premio Alimentos de España en medios de comunicación.
• Premio Nacional de Gastronomía en 1992 ao mellor labor xornalístico.

Véxase tamén

Bibliografía

• Barrera, Feliciano, ed. (2002). Gallegos. Quién es quien en la Galicia del siglo XXI (en castelán). Santiago de Compostela: El Correo Gallego / O Correo Galego. p. 29. ISBN 84-8064-113-4. 

Ligazóns externas

• "Hay que disfrutar de la comida con el alma, si no, no vale". Entrevista con Cristino Álvarez (en castelán).
• lomejordelagastrronomia.com Inclúe uns 40 artigos de Cristino Álvarez (en castelán).