Cristina de Bolsena
Santa Cristina, coñecida tamén como Cristina de Bolsena, Cristina de Tiro ou Cristina a Gran Mártir, é unha santa do século III venerada pola Igrexa católica, a Igrexa ortodoxa e a Igrexa anglicana. Escavacións na contorna do lago de Bolsena descubriron o seu culto xa no século V, polo que é posible que a tradición oriental que conecta a santa Cristina coa cidade fenicia de Tiro se deba a unha confusión co nome dunha localidade preto de Bolsena. A súa festividade celébrase o 24 de xullo.
 | |
| Biografía | |
|---|---|
| Nacemento | século III  Bolsena, Italia (pt)  |
| Morte | 304 Bolsena, Italia (pt) |
| Relixión | Cristianismo |
| Actividade | |
| Campo de traballo | Martirio e Christian life (en) |
| Período de tempo | Imperio Romano |
| Enaltecemento | |
| Día de festividade relixiosa | 24 de xullo |
 | |
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2015.) |
No século IX redactouse o seu martirio, sobre o cal se fixeron varias versións, moitas delas crese que influenciadas pola vida doutros santos como santa Bárbara. Era filla dun rico maxistrado chamado Urbano e converteuse ao cristianismo. Regalaba ídolos e bens do seu pai aos pobres e este chegou a torturarla cravándolle ganchos de ferro, meténdoa nun forno, nun pozo con serpes, e lanzándoa a un río atada a unha roca. Con todo, Deus fixo que resistise e non morreu até a oitava tortura. Logo de morrer seu pai, o seu sucesor Dión seguiu a torturala e finalmente decapitouna.
Consérvanse as súas reliquas na catedral de Palermo e en Bofia. Na parroquia da Cidade de Osma atribúenselle uns restos chegados en 1789. Alí é patroa Santa Cristina de Bolsena, a quen se consagrou a igrexa polo menos desde o século XIV. Porén, eses restos pertencen a outra moza mártir das Catacumbas de San Calixto de Roma chamada Cristina (Cristina de Osma).
Wikimedia Commons ten máis contidos multimedia na categoría: Cristina de Bolsena  |