Cristina Villó
Cristina Villó, nada na Coruña, Galicia en 1818 e finada en Valencia en 1884, foi unha soprano galega.
  | |
| Biografía | |
|---|---|
| Nacemento | (ca) Cristina Villó Montesino 1812 A Coruña, España |
| Morte | novembro de 1884 (71/72 anos) Valencia, España |
| Datos persoais | |
| País de nacionalidade | España |
| Actividade | |
| Ocupación | cantante de ópera |
| Lingua | Lingua castelá |
| Tesitura | Soprano |
| Instrumento | Voz |
Traxectoria editar
Flla dun músico, maior do rexemento, que tivo que ir vivir a Madrid.[1] Dende a nenez, Cristina amosou extraordinario interese pola arte da lírica. Dotada dunha fermosa voz, foi aceptada no Conservatorio de Madrid, onde o seu pai a inscribiu seguindo o consello do músico Tomás Genovés (que ía casar coa súa irmá Elisa).[1] Alí foi a primeira estudante pensionada.[2] Aínda que non hai ningún posto vacante, fixo tales avances no centro que cando só tiña dezaoito anos os seus profesores afirmaron que xa era unha artista perfecta, e xa a continuación, fixo a súa presentación en Valencia coa ópera La straniera de Bellini, sendo recibida con grandes aplausos do público.
De Valencia, foi a Zaragoza, e máis tarde a Lisboa,[1] a Málaga, e, finalmente a Madrid, onde o público lle deu unha entusiasta benvida. Non pasou moito até que foi a Italia, e dise que logo de escoitala cantar a romanza de Lucrezia Borgia, Donizetti declarou: "non oín xamais voz máis fermosa que a desta cantante española.[1] Contratada polo Gran Teatro de Ámsterdam, a súa popularidade medrou tanto na capital que cando ía facer compras, os comerciantes non querían cobrarlle nada.
Regresou a Italia, e máis tarde a España, retirándose dos escenarios no cumio da súa fama e das súas facultades, con pouco máis de 35 anos. A última vez que aparece nos xornais é con motivo dunha actuación de Rigoletto de Verdi na cidade de Valencia, onde vivía.[3] Morreu nesta cidade no ano 1884.[4]
Tres das súas irmás comezaron carreiras líricas[5] e dúas delas, Matilde Villó e Elisa Villó, cantaron no Gran Teatre del Liceu de Barcelona.[6] Deuse o feito de que Cristina e Matilde cantaron xuntas nunha mesma función neste teatro, a ópera Norma de Vincenzo Bellini, o 17 de decembro de 1851.[7]
Notas editar
- ↑ 1,0 1,1 1,2 1,3 Blanco Coris, José (24 de maio de 1924). "Fotografías de antaño - Cantantes famosas". La Esfera: 30.
- ↑ Diccionario biográfico-bibliográfico de efemérides de músicos españoles (en castelán) 4. Madrid: Imprenta á Cargo de D. Antonio Perez Dubrull. 1868. p. 373.
- ↑ "Varessi i la Villó". La España: 2. 11 de xuño de 1854.
- ↑ "Noticias generales". El Día (Madrid): 3. 28 de novembro de 1884.
- ↑ "Noticias del reino". El castellano: 3. 25 de xaneiro de 1841.
- ↑ Gran Teatre del Liceu (ed.). "Óperas representadas en el Gran Teatro del Liceo desde 1847 hasta 1936" (PDF). p. 24. Arquivado dende o orixinal (pdf) o 14 de xaneiro de 2018. Consultado o 13 de xaneiro de 2018.
- ↑ Gran Teatre del Liceu (ed.). "Óperas representadas en el Gran Teatro del Liceo desde 1847 hasta 1936" (PDF). p. 61. Arquivado dende o orixinal (pdf) o 14 de xaneiro de 2018. Consultado o 13 de xaneiro de 2018.
Véxase tamén editar
Bibliografía editar
- Enciclopedia Espasa Volum núm. 68, páx. 2616 (ISBN 84-239-4568-5)