Conxectura
Por conxectura enténdese o xuízo (moral, ético ou matemático) que se forma das cousas ou sucesos por indicios e observacións.
En matemáticas, o concepto de conxectura refírese a unha afirmación que se supón certa, pero que non foi probada nin refutada até a data. Cando se demostra a veracidade dunha conxectura, esta pasa a ser considerada un teorema de pleno dereito e pode utilizarse como tal para construír outras demostracións formais.
Conxecturas en matemáticas editar
Até hai pouco, a conxectura máis coñecida era o mal chamado último teorema de Fermat, mal chamado porque, aínda que Pierre de Fermat afirmou que encontrara unha demostración, non se puido encontrar ningunha entre os seus escritos tras a súa morte. Esta conxectura burlou a comunidade matemática durante máis de tres séculos, até que Andrew Wiles a demostrou finalmente en 1993 e a elevou ao rango de teorema.
Estas son algunhas das conxecturas máis famosas:
- Non hai números perfectos impares.
- Conxectura de Goldbach
- Conxectura dos números primos xemelgos
- Conxectura de Collatz
- Hipótese de Riemann
- Conxectura de Poincaré (demostrada por Grigori Perelmán)
- Conxectura abc
- Conxectura de Erdős-Straus