Conversa:Historia de Galicia

Arquivos 1

Reformulación

Saudos a todos, andiven ás voltas con este artigo, do cal teño que dicir que estou un tanto apenado, na miña opinión merece ser un auténtico referente, e para iso queria instar a todos os que queirades colaborar neste artigo para organizarnos, para ir enchendo ocos, e para reformulalo porque considero que o precisa con urxencia. Un saúdo compañeiros.--Alexandre Vigo 00:32, 23 marzo 2009 (UTC)

Eu podo botarche unha man, só tesme que dicir en que che podo axudar.--Hugo22 00:35, 23 marzo 2009 (UTC)

Plenamente de acordo, reparte choio (por temas ,épocas...) que eu encárgome dunha parteemilio juanatey^(talk) 20:24, 23 marzo 2009 (UTC)

Non sei se podo axudar, pero concordo a 200% e se algo podo facer contar comigo. Idea máis que boa para Galipedia. Elvira^{Conversa comigo} 21:05, 23 marzo 2009 (UTC)

Ben, acabo de reelaborar un cadro de Historia de Galicia, Modelo:Historia Galega, collendo parte das cousas que ten o actual e tentando salvar algunhas das súas deficiencias, non está perfecto nin moito menos porque aínda hai cousas que teñen que ir ben enlazadas e todo iso, pero se cadra pode axudarnos a, primeiro: collelo como base e poñelo como todos consideremos mellor, e segundo: o cadro final que deseñemos que nos sirva de guia para reelaborar. Bueno ai está a miña primeira proposta. Un saúdo compañeiros.--Alexandre Vigo 10:04, 26 marzo 2009 (UTC)

• O artigo ten calidade, só necesita completar datos e facer unha redacción coherente nalgún parágrafo que ten unha especie de notas (non o digo negativamente, falta unir os datos de maneira ordenada e con parágrafos, p. ex. na monarquía alto-medieval). Penso que tamén ten algunha lagoa, e debería falarse dos 3 sectores (primario, secundario e terciario) no século XX. Se alguén se anima, mellor. Saúdos. --Xoán Carlos Fraga --Xoán Carlos Fraga 22:18, 16 marzo 2010 (UTC)
• Desde a miña óptica, pódese mellorar este artigo con estas ideas (seguro que vós tedes máis ideas):
  • Imaxes de 3 mapas de Gallaecia indicando zonas con megálitos, petróglifos e castros (3 imaxes en total)
  • Mapa das 7 provincias galegas, a poder ser ben clariño. O que hai está ben bonito, mais outro marcando ben as límites melloraría a pedagoxía.
  • Os foros agrarios pódense ampliar e tamén hai que crear o artigo de foro agrario.
  • Ampliar o século XVIII.
  • Mellorar A monarquía alto-medieval. --Xoán Carlos Fraga 11:49, 24 marzo 2010 (UTC)
    • Atopei unha imaxe coas 7 provincias, é un mapa do ano 1784 Ficheiro:Mapa do Reino da Galiza (1773).jpg. --Alberte ^{Si, dígame?} 15:19, 19 marzo 2010 (UTC)

• Refixen un pouco a periodización da Idade Media (pero sen quitar información), penso que agora é máis clara. O modelo de Historia de Galicia (o cadro que aparece arriba á dereita) pode precisar dalgunha reforma tamén. --Xoán Carlos Fraga 14:53, 26 marzo 2010 (UTC)

Extensão da Cultura do Vaso Campaniforme.

• Deixo aquí esta mapa do vaso campaniforme, tirado da wiki pt, relacionado coa Iberia calcolítica, por se parecese útil no futuro. --Xoán Carlos Fraga 23:03, 28 marzo 2010 (UTC)
• Falta falar do século XIV, sobre todo da primeira metade, con algunhas referencias á vida, ao feudalismo, á peste, e aos conflitos coa coroa de Castela. --Xoán Carlos Fraga 23:50, 28 marzo 2010 (UTC)
• Na guerra polo trono de Castela a finais do s. XV deixei posto os Pardo de Cela como partidarios de Sabela, seguramente na base de que a muller de Pero Pardo era curmá de Sabela (e deixeino así tirado do artigo da Galipedia sobre Pedro Madruga), mais o historiador López Carreira decántase de que o mariscal era partidario do outro bando, o de Xoana, aínda que incluíndo un "quizais". Probabelmente non se sabe con seguridade, deixo aquí a nota por se houbese que reformar a afirmación (ou tamén poñer un quizais, se non é seguro, sexa do bando que sexa o Pero Pardo). --Xoán Carlos Fraga 20:53, 29 marzo 2010 (UTC)
• Nas wiki en portugués ([1]) e español ([2]) non se menciona a Pedro Madruga na guerra pola coroa de Castela nos anos 1475-1479 (en realidade a versión primeira foi a da wiki esp., senda a portuguesa unha tradución, o cal é unha lástima pois é a mesma versión e visión), e destácanse moitos outros caudillos. Só deixo aquí a nota para no futuro, se for preciso, engadir algo. O certo é que na wiki galega non existe tal artigo, o ideal sería crealo mais tendo en conta a historiografía galega tamén. --Xoán Carlos Fraga 13:34, 30 marzo 2010 (UTC)

Chámame a atención que na caixa de edición apareza unha nota que di que "algúns navegadores poden ter problemas editando páxinas de máis de 32kB", e ao mesmo tempo informa de que agora isto ten 108kB. Pregúntome se esta triplicación do tamaño non poderá provocar problemas aos usuarios que consulten este artigo. Xoacas_{(ti si que es lindo, ho)} 22:53, 12 de outubro de 2010 (UTC)

Coroa das Españas

Hai unha sección chamada Os Borbóns. A creación da Coroa das Españas (1714). A Coroa das Españas non existe, o que existe é o Reino de España. As Españas, é unha denominación moito máis vella de 1714, que xa existía nos tempos dos Reis Católicos, como se pode ler na bula Si convenit de 1496, na que dí:

Porque cristianísimos e moi altos e moi excelentes e moi poderosos Príncipes, Rei e Raíña das Españas e das illas da mar, Os nosos Señores, este presente ano de 1492, logo de Vosas Altezas aver dado fin á guerra dos mouros ...

Se me apurades poderíase dicir que o termo é moito máis vello aínda, xa que o rei Afonso VI de León, nomearase Imperator totius Hispaniae que ven sendo Emperador de toda España.

En resumo, que é unha barbaridade o de Coroa das Españas. --AMPERIO (conversa) 5 de febreiro de 2015 ás 12:59 (UTC)

Ligazóns externas modificadas (febreiro 2019)

Ola compañeiros editores,

Acabo de modificar 1 ligazóns externas en Historia de Galicia. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

• Engadiuse o arquivo https://web.archive.org/web/20091111043813/http://www.ull.es/publicaciones/latina/a/16rosa.htm á ligazón http://www.ull.es/publicaciones/latina/a/16rosa.htm

Por favor revisade o FAQ para máis información sobre como corrixir erros do bot.

Saúdos.—InternetArchiveBot (Informar de erros) 22 de febreiro de 2019 ás 05:57 (UTC)