Constante lóxica

En lóxica, unha constante lóxica ou símbolo constante dunha linguaxe ${\mathcal {L}}$ é un símbolo que ten o mesmo valor semántico en todas as interpretacións de ${\mathcal {L}}$. Dous tipos importantes de constantes lóxicas son as conectivas lóxicas e os cuantificadores. O predicado de igualdade (normalmente escrito '=') tamén se trata como unha constante lóxica en moitos sistemas de lóxica.

Unha das preguntas fundamentais da filosofía da lóxica é "Que é unha constante lóxica?"; é dicir, que característica especial de certas constantes fai que sexan de natureza lóxica?

Algúns símbolos que normalmente se tratan como constantes lóxicas son:

Símbolo	Significado en galego
T	"verdadeiro"
F, ⊥	" falso "
¬	" non "
∧	" e "
∨	" ou "
→	" implica ", "se... entón"
∀	" para todos "
∃	" existe ", "para algúns"
=	" igual "
$\Box$	"necesariamente"
$\Diamond$	"posíbelmente"

Moitas destas constantes lóxicas son ás veces denotadas por símbolos alternativos (por exemplo, o uso do símbolo "&" en lugar de "∧" para indicar o e lóxico).

Definir constantes lóxicas é unha parte importante do traballo de Gottlob Frege e Bertrand Russell. Russell volveu ao tema das constantes lóxicas no prefacio da segunda edición (1937) de The Principles of Mathematics sinalando que a lóxica se converte en lingüística: "Se queremos dicir algo definitivo sobre elas, deben ser tratadas como parte da lingua, non como parte do que fala a lingua". O texto deste libro utiliza as relacións R, as súas inversas e complementos como nocións primitivas, tamén tomadas como constantes lóxicas na forma aRb.

Véxase tamén

Outros artigos

• Conectiva lóxica
• Valor lóxico
• Símbolos lóxicos

Ligazóns externas

• Stanford Encyclopedia of Philosophy entry on logical constants
• forall x: Calgary An Introduction to Formal Logic.