Abrir o menú principal

Confederación Suramericana de Fútbol

A Confederación Suramericana de Fútbol, en portugués Confederação Sul-Americana de Futebol, ou coñecida tamén cos acrónimos CONMEBOL ou CSF, é a confederación de asociacións nacionais de fútbol de América do Sur e unha das seis de carácter continental que compoñen a FIFA.

A CONMEBOL foi fundada en 1916 por iniciativa do uruguaio Héctor Rivadavia Gómez e composta nun primeiro momento polas asociacións nacionais da Arxentina, Chile, Uruguai e Brasil. Posteriormente fóronse unindo as restantes federacións até sumar as dez actuais, que fan desta confederación a máis pequena da FIFA por número de integrantes. Paraguai uniuse en 1921, Perú en 1925, Bolivia en 1926, Ecuador en 1927, Colombia en 1936 e por último Venezuela en 1952. Ademais, aínda que a Güiana, o Suriname e a Güiana francesa pertenzan ao continente suramericano, debido a razóns históricas, culturais e deportivas decidiron unirse á CONCACAF.

Xunto coa UEFA, a CONMEBOL é unha das confederacións dominantes na FIFA, tendo gañado nove dos dezaoito Mundiais de Fútbol da FIFA, a pesar de só ter organizado catro. Así mesmo é a única Confederación que foi quen de gañar un Mundial fora do seu propio continente (de feito, fixoo en todos os continentes nos que se leva disputado). Dentro da CONMEBOL destacan dúas seleccións por enriba das demais son Brasil, que é a selección que conta cun maior número de títulos mundiais, e a Arxentina. Estas dúas seleccións, ademais de acaparar títulos mundiais (cinco e dous respectivamente) e continentais (oito e catorce respectivamente), permanecen ano tras ano nos postos de cabeza da clasificacións elaboradas pola FIFA e os seus clubs acaparan éxitos a nivel continental e global. Outra selección que tamén ten destacado é a do Uruguai, sobre todo nos seus inicios con dous títulos e dous cuartos postos en mundiais, e catorce títulos da Copa América. A nivel de clubs a Confederación tamén obtivo éxitos importantes acadando un total de vinte e dúas Copas Intercontinentais.

A Confederación organiza diferentes torneos entre os que destacan a nivel de clubs a Copa Libertadores (análoga á Copa de Europa da UEFA) e a Copa Suramericana (semellante á [Copa da UEFA]), ademais da Copa América a nivel de seleccións nacionais.

HistoriaEditar

Coincidindo co Centenario da Independencia da república Arxentina en 1916, o Ministerio de Relacións Exteriores dese país donou un trofeo e convidou ás Federacións do Brasil, Chile e Uruguai para disputar un campionato de fútbol como parte das celebracións. Aínda que neste ano non estaba en xogo o Trofeo Copa América, que se instituirá no ano seguinte, este torneo está considerado como a primeira Copa América da historia.

O torneo tivo un grande éxito e durante a súa disputa o dirixente uruguaio Héctor Rivadavia Gómez viu o contexto ideal para materializar un vello proxecto persoal: o de crear a Confederación Suramericana de Fútbol. É así como na data exacta do centenario da Independencia da Arxentina, o 9 de xullo de 1916, os dirixentes da Arxentina, Brasil, Chile e Uruguai se reuniron en Buenos Aires àra estudar a idea de integración de Rivadavia Gómez, que finalmente sería aprobada en referendum polas respectivas asociacións nacionais. O 15 de decembro dese mesmo ano celebrouse o Congreso Constitucional en Montevideo, no que se ratificou todo o acordado. Posteriormente uniuse Paraguai en 1921, Perú en 1925, Bolivia en 1926, Ecuador en 1927, Colombia en 1936 e por último Venezuela en 1952.

No Congreso de 1990 incluíuse nos estatutos unha modificación pola cal se establece como sede permanente da institución a cidade de Asunción, capital do Paraguai. O 23 de xaneiro de 1998 inaugurouse o impoñente edificio que acolle a nova sé, localizada no distrito de Luque, Gran Asunción.

Membros asociadosEditar

Presidentes da CONMEBOLEditar

 
Sede da CONMEBOL en Luque, Paraguai
Nome Nacionalidade Período
1. Héctor Rivadavia Gómez   Uruguai 1916–1936
2. Luis O. Salesi   Arxentina 1936–1939
3. Luis Valenzuela Hermosilla   Chile 1939–1955
4. Carlos Dittborn Pinto   Brasil -   Chile 1955–1957
5. José Ramos de Freitas   Brasil 1957–1959
6. Fermín Sorhueta   Uruguai 1959–1961
7. Raúl H. Colombo   Arxentina 1961–1966
8. Teófilo Salinas Fuller   Perú 1966–1986
9. Nicolás Leoz   Paraguai-   Colombia 1986–presente

Torneos organizados pola CONMEBOLEditar

De selecciónsEditar

De clubsEditar

Clasificación Mundial da FIFAEditar

Clasificación masculinaEditar

A Clasificación mundial da FIFA dos equipos suramericanos do último mes de xuño de 2009 amosa as seguintes posicións:

Posto Clasificación FIFA País Troco
  Brasil 20px (Baixou 1 posto)
  Arxentina 20px (Baixou 1 posto)
13º   Paraguai 20px (Subiu 4 postos)
17º   Uruguai 20px (Baixou 1 posto)
37º   Chile 20px (Baixou 11 postos)
44º   Ecuador 20px (Baixou 2 puestos)
45º   Colombia 20px (Baixou 1 posto)
56º   Venezuela 20px (Igual)
58º   Bolivia 20px (Igual)
89º   Perú 20px (Baixou 2 postos)

Nota: A próxima actualización da Clasificación mundial da FIFA dos equipos masculinos publicarase o vindeiro 1 de xullo de 2009.

Clasificación femininaEditar

A Clasificación mundial da FIFA dos equipos femininos suramericanos do 19 de decembre de 2008 amosa as seguintes posicións.

Posto Clasificación FIFA País Troco
  Brasil 20px (Subiu un posto)
28º   Arxentina 20px (Igual)
  Perú 20px (Igual)**
  Colombia 20px (Igual)**
  Chile 20px (Igual)**
  Ecuador 20px (Igual)**
  Uruguai 20px (Igual)**
  Paraguai 20px (Igual)**
  Venezuela 20px (Igual)**
  Bolivia 20px (Igual)**

Nota: A próxima actualización da Clasificación mundial da FIFA dos equipos femeninos publicarase o próximo 26 de xuño de 2009.

  • **Seleccións sen clasificación oficial por estaren inactivas máis de 18 meses.[1]

NotasEditar

Véxase taménEditar