Complexo da alfa-cetoglutarato deshidroxenase
O complexo da α-cetoglutarato deshidroxenase ou complexo da oxoglutarato deshidroxenase é un complexo encimático formado por tres encimas, que intervén no ciclo do ácido cítrico ou de Krebs entre outras rutas. No ciclo do ácido cítrico converte o α-cetoglutarato (ou 2-oxoglutarato) en succinil-CoA e CO2, con produción de NADH.
| oxoglutarato deshidroxenase | |||||||||
|---|---|---|---|---|---|---|---|---|---|
| Identificadores | |||||||||
| Número EC | 1.2.4.2 | ||||||||
| Número CAS | 9031-02-1 | ||||||||
| Bases de datos | |||||||||
| IntEnz | vista de IntEnz | ||||||||
| BRENDA | entrada de BRENDA | ||||||||
| ExPASy | vista de NiceZyme | ||||||||
| KEGG | entrada de KEGG | ||||||||
| MetaCyc | vía metabólica | ||||||||
| PRIAM | perfil | ||||||||
| Estruturas PDB | RCSB PDB PDBe PDBj PDBsum | ||||||||
| Gene Ontology | AmiGO / EGO | ||||||||
| |||||||||
Unidades editar
O complexo está formado por tres compoñentes:
| 'Unidade | Número EC | Nome | Xene | Coencima |
| E1 | Número EC 1.2.4.2 | alfa-cetoglutarato deshidroxenase ou oxoglutarato deshidroxenase |
OGDH | pirofosfato de tiamina (TPP) |
| E2 | Número EC 2.3.1.61 | dihidrolipoíl succiniltransferase | DLST | ácido lipoico |
| E3 | Número EC 1.8.1.4 | dihidrolipoíl deshidroxenase | DLD | FAD |
Na célula existen tres complexos multiencimáticos con TPP e ácido lipoico, un específico para o piruvato, outro para o alfa-cetoglutarato (ou 2-oxoglutarato), e un terceiro para os α-cetoácidos de cadea ramificada.
Propiedades editar
Vías metabólicas editar
Este encima participa en tres vías diferentes:
- Ciclo do ácido cítrico (KEGG link: MAP00020 Arquivado 12 de xuño de 2020 en Wayback Machine.)
- Degradación da lisina (KEGG link: MAP00310 Arquivado 22 de novembro de 2020 en Wayback Machine.)
- Metabolismo do triptófano (KEGG link: MAP00380 Arquivado 21 de novembro de 2020 en Wayback Machine.)
Propiedades cinéticas editar
Os seguintes valores refírense ao complexo encimático da bacteria Azotobacter vinelandii (1):
- KM: 0.14 ± 0.04 mM
- Vmax : 9 ± 3 μmol.min−1.mg−1
No ciclo do ácido cítrico editar
Reacción editar
A reacción catalizada por este encima no ciclo do ácido cítrico é:
- α-cetoglutarato + NAD+ + CoA → Succinil-CoA + CO2 + NADH
.png)
A reacción procede en tres pasos:
- descarboxilación do α-cetoglutarato,
- redución do NAD+ a NADH,
- transferencia ao CoA para que se forme o produto final succinil-CoA.
A ΔG°' desta reacción é -7.2 kcal mol−1. A enerxía necesaria par esta oxidación consérvase na formación do enlace tioéster do succinil-CoA.
Regulación editar
A alfa-cetoglutarato deshidroxenase é un punto de control fundamental no ciclo do ácido cítrico. O complexo é inhibido polos seus produtos, o succinil-CoA e o NADH. Unha carga de alta enerxía na célula tamén é inhibitoria. O ADP e os ións calcio son activadores alostéricos.
Patoloxía editar
A alfa-cetoglutarato deshidroxenase é un autoantíxeno recoñecido autoinmunitariamente na cirrose biliar primaria, unha forma de insuficiencia hepática grave.[1] A actividade do complexo da alfa-cetoglutarato deshidroxenase diminúe en moitas enfermidades neurodexenerativas.
Notas editar
- ↑ Leung PS, Rossaro L, Davis PA; et al. (2007). "Antimitochondrial antibodies in acute liver failure: Implications for primary biliary cirrhosis". Hepatology 46: 1436. PMID 17657817. doi:10.1002/hep.21828.
- Bunik V, Westphal AH, de Kok A: Kinetic properties of the 2-oxoglutarate dehydrogenase complex from Azotobacter vinelandii evidence for the formation of a precatalytic complex with 2-oxoglutarate. Eur J Biochem 2000; 267(12): 3583-91. PMID 10848975.
- Bunik VI, Strumilo S: "Regulation of Catalysis Within Cellular Network: Metabolic and Signaling Implications of the 2-Oxoglutarate Oxidative Decarboxylation." Current Chemical Biology, 2009, 3: 279-290
- Bunik VI, Fernie AR: "Metabolic control exerted by the 2-oxoglutarate dehydrogenase reaction: a cross-kingdom comparison of the crossroad between energy production and nitrogen assimilation." Biochem. J. 2009, 422: 405–421
- L. Trofimova, M. Lovat, A. Groznaya, E. Efimova, T. Dunaeva, M. Maslova, A. Graf, e V. Bunik: "Behavioral Impact of the Regulation of the Brain 2-Oxoglutarate Dehydrogenase Complex by Synthetic Phosphonate Analog of 2-Oxoglutarate: Implications into the Role of the Complex in Neurodegenerative Diseases." International Journal of Alzheimer Disease 2010; Volume 2010, Article ID 749061, 8 pages, doi 10.4061/2010/749061, https://web.archive.org/web/20101218093532/http://www.sage-hindawi.com/journals/ijad/2010/749061.html
Véxase tamén editar
Ligazóns externas editar
- Oxoglutarate dehydrogenase Medical Subject Headings (MeSH) na Biblioteca Nacional de Medicina dos EUA.