Abrir o menú principal

Complexo Hospitalario Universitario de Vigo

hospital

O Complexo Hospitalario Universitario de Vigo, coñecido polo acrónimo CHUVI é unha institución sanitaria pública creada no ano 2004 que dá atención sanitaria especializada á poboación comarca de Vigo. Depende do Servizo Galego de Saúde, e está composta por cinco hospitais e dous centros de especialidades.

Complexo Hospitalario Universitario de Vigo
Hospital Álvaro Cunqueiro 2015 8 3.jpg
Hospital Álvaro Cunqueiro, o maior hospital do CHUVI.
Fundación:2004
Localización:Pizarro, 22
Vigo
Universidade afiliada:Universidade de Vigo
Camas:1241-1905[1]
sergas.es/info/chuvi

O hospital de maior nivel asistencial, o Hospital Álvaro Cunqueiro, foi inaugurado en 2015, deixando sen funcionamento o Hospital Xeral.

Ademais da asistencia sanitaria, do CHUVI depende a formación sanitaria da Escola Universitaria de Enfermaría do Meixoeiro, centro adscrito á Universidade de Vigo.[2]

HistoriaEditar

O CHUVI foi creado polo Decreto 95/2004, de 13 de maio dese ano, que dicía na súa exposición de motivos:[3]

A crecente complexidade destas circunstancias, xunto coa segmentación da atención hospitalaria nos seus aspectos asistencial, investigador e docente en varios centros de provisión pública, aconsellan acometer un desenvolvemento organizativo que asegure unha adecuada coordinación dos recursos.
A nova organización deberá garantir o crecemento ordenado dos centros públicos, a optimización dos recursos con independencia da súa localización, a dispoñibilidade dos medios por todas as unidades e un rendemento óptimo dos hospitais do Sergas en Vigo.
Para asegurar o dito proceso é preciso crear a estrutura organizativa común que posibilite unha coordinación efectiva, aínda que tendo en conta a diversidade dos recursos humanos e físicos xa existentes.

Anteriormente a esta data xa tivéranse redactado dous procesos previos de coordinación. A creación do Complexo Hospitalario Xeral-Cíes, a agrupaba a estes dous hospitais, máis o psiquiátrico do Rebullón, máis os seus centros de especialidades; en a creación, polo Decreto 37/2001, da área de servizo compartido cos centros Xeral-Cíes e Meixoeiro, que foi encargada ao Instituto Galego de Medicina Técnica (MEDTEC).

EstruturaEditar

O CHUVI está composto por:

Desde 2015, a hospitalización convencional distribúese entre os hospitais Álvaro Cunqueiro e Meixoeiro. No primeiro cóntase con 845 camas, das que 318 corresponden á área médica, 249 á área cirúrxica, 76 da área pediátrica, 57 da área obstétrica, 62 da área psiquiátrica e 82 na área de coidados críticos. No hospital do Meixoeiro existen 347 camas, das que 224 corresponden a área médica, 120 á área cirúrxica (fundamentalmente cirurxía sen ingreso) e 3 na área de coidados críticos.

RecursosEditar

Equipos de alta tecnoloxíaEditar

O Complexo Hospitalario Universitario de Vigo conta con diversos equipos e estruturas definidas coma de alta tecnoloxía, entre as que se atopan técnicas invasivas, equipos de hemodiálise ou aparellos de diagnóstico pola imaxe.

Equipos de alta tecnoloxía [Cómpre referencia]
Equipo Abreviatura Número
Tomografía axial computarizada TAC 5
Resonancia magnética RM 5
Gammacámara GAM 3
  Sala de hemodinámica HEM 3
  Equipos de hemodiálise DIAL 57
Litotricia extracorpórea por ondas de choque LEOC 0
Bomba de cobalto BCO 0
Acelerador de partículas ALI 4
Tomografía por emisión de fotóns SPECT 3
Tomografía por emisión de positróns PET 1
Mamógrafos MAMOS 2
Densitómetros DO 1
Anxiografía dixital ASD 2

Xestión da informaciónEditar

A información das historias clínicas dos doentes xestiónase de xeito informatizado nunha plataforma integrada e dixitalizada. O programa informático encargado de xestionar a información dos pacientes denomínase IANUS, e foi implantado por vez primeira enxuño de 2006.[5] A xestión da información dixitalizada no Complexo Hospitalario Universitario de Vigo foi a doutora Lola Zapata.[6]

O sistema IANUS permite acceder á información dos pacientes desde calquera equipo informático da área, así coma de todos os centros dependentes do SERGAS. Ademais, este sistema foi o responsábel da implantación da receita electrónica en Galicia.[7]

Poboación atendidaEditar

O Complexo ofrece atención sanitaria pública a case toda a poboación do sur da provincia de Pontevedra. Aos concellos de: Arbo, A Cañiza, Cangas, Covelo, Crecente, Fornelos de Montes, A Guarda, Mondariz, Mondariz-Balneario, Moaña, Mos, As Neves, Pazos de Borbén, Ponteareas, Porriño, Redondela, O Rosal, Salceda de Caselas, Salvaterra de Miño, Tomiño, Tui e parte da poboación de Vigo.

En 2015, o concello de Bueu solicitou adscribirse á Área Sanitaria de Vigo para seren derivados os seus doentes ao Complexo Hospitalario Universitario de Vigo en lugar do Complexo Hospitalario Universitario de Santiago (CHUS)[8] como acontecía até ese momento.[9]

O resto da poboación da zona, excepto para especialidades como tocoloxía ou pediatría, é atendida no hospital privado e concertado Povisa.

Tamén é centro de referencia, é dicir, que atende tamén a pacientes de fora da área asignada para:

  • Toda Galicia: Cirurxía Cardíaca e Cardioloxía Intervencionista (libre elección de hospital).
  • Provincias de Pontevedra e Ourense: Oncoloxía Radioterápica e Cirurxía Torácica.
  • Provincia de Pontevedra: Neurocirurxía, Cirurxía Plástica, Cirurxía Pediátrica e Medicina Nuclear.
  • Área de Vigo: Psiquiatría e Cirurxía Vascular.

O CHUVI é o centro de referencia na análise do virus Zika.[10]

NotasEditar

  1. Ministerio de Sanidade (ed.). "Detalle de Centro / Complejo". Consultado o 5 de abril de 2016. 
  2. uvigo.galuvigo.gal (ed.). "EU de Enfermaría (Meixoeiro) (Centro adscrito público)". Universidade de Vigo. Consultado o 5 de abril de 2016. 
  3. Diario Oficial de Galicia (ed.). "DECRETO 95/2004, do 13 de maio, polo que se crea o Complexo Hospitalario Universitario de Vigo.". Xunta de Galicia. Consultado o 5 de abril de 2016. 
  4. «El Xeral mantendrá un tac para los pacientes no ingresados en Beade» La Voz de Galicia, 27/9/2015.
  5. Europa Press (ed.). "El Sergas comenzará en junio la implantación de la Historia Clínica Electrónica Única en Vigo.". Consultado o 5 de abril de 2016. 
  6. Consellería de Saúde (ed.). "Nomeamento de subdirectora asistencial de cirurxías sen ingreso." (PDF). SERGAS. Consultado o 5 de abril de 2016. 
  7. Servizo Galego de Saúde (ed.). "El Proyecto de Historia Clínica y Receta Electrónica en el ámbito de atención primaria del Servicio Gallego de Salud." (PDF). Consultado o 5 de abril de 2016. 
  8. Pontevedra Viva (ed.). "Bueu non quere depender da área sanitaria do hospital de Santiago.". Consultado o 5 de abril de 2016. 
  9. Atlántico Diario (ed.). "Bueu quere depender do HAC.". Consultado o 5 de abril de 2016. 
  10. Xunta de Galicia (ed.). "O SERGAS designa ao CHUVI como centro de referencia para as análises do virus Zika." (PDF). Consultado o 5 de abril de 2016. 

Véxase taménEditar