Complemento de réxime
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2018.) |
Este artigo ou sección precisa contidos, imaxes ou perspectivas globais. Por favor, universalíceo. |
O complemento de réxime, tamén chamado complemento de réxime preposicional ou mesmo, na terminoloxía de Emilio Alarcos Llorach, o suplemento, é un sintagma preposicional seleccionado pola semántica dun verbo específico, e non é complemento circunstancial, directo, indirecto, axente nin atributo. A preposición que o introduce pode ser calquera, ata a. Recoñécese porque é conmutable ou substituíble por dita preposición máis pronome tónico:
- Conto con Luís = Conto con el.
- Acórdome de Pedro = Acórdome del.
- O can coida da casa = O can coida dela.
- Pregunto por Luísa = Pregunto por ela.
- Falan da natureza = Falan dela (ou diso)
Existen dous tipos de complemento de réxime, o directo e o indirecto. Cando se dá o directo, non aparece complemento directo (casos anteriores); cando se dá o complemento de réxime indirecto, si aparece complemento directo; é máis, non pode suprimirse o complemento directo porque entón a frase queda "coxa":
- O camareiro limpa de cabichas (CRI) o chan (CD)
- O camareiro limpa de cabichas... (non ten sentido)
O morfema se pode actuar como intransitivizador de verbos; cando iso ocorre, o verbo, no canto de ter complementos directos, pasa a ter complementos de réxime:
- Pedro encontra patacas (CD)
- Pedro encóntrase entre os mellores (CR).