Colantres, Coirós

Para outras páxinas con títulos homónimos véxase: Colantres.

San Salvador de Colantres é unha parroquia que se localiza no oeste do concello de Coirós. Segundo o IGE en 2013 tiña 289 habitantes (147 mulleres e 142 homes), distribuídos en 3 entidades de poboación, o que supón un aumento en relación ao ano 1999 cando tiña 244 habitantes.

Colantres
Igrexa de San Salvador de Colantres.
Concello	Coirós
Provincia	A Coruña
Coordenadas	43°15′47″N 8°10′25″O
Poboación	289 hab. (2013)
Entidades de poboación	3
[ editar datos en Wikidata ]

Cultura

Topónimo

Colantres barállase que sexa un antropónimo latino, mais do cal se descoñece o significado.

Patrimonio

Igrexa de San Salvador de Colantres, de estilo románico do século XII.

Etnografía

Colantres na cultura popular

Existe unha curiosa lenda sobre a etimoloxía do topónimo Collantres. Cóntase que a Sagrada Familia ía andando por Galicia cara Betanzos. Como estaban cansos, pararon á sombra dunhas árbores a descansar, e entre elas había algunhas maceiras. Pero o Meniño tiña sede e San Xosé non atopou ningunha fonte. Achegouse unha velliña que lle dixo que, a falta de auga, ben podía coller unhas mazás. San Xosé colleu unha, para o Meniño, pero a vella insisteu: Collan tres, collan tres, unha para cada un. E de aí colleu o nome o lugar.

Outros

Nunha casa de turismo rural local gravouse a serie de Televisión de Galicia Casa Manola.^{[Cómpre referencia]}

Lugares e parroquias

Lugares de Colantres

Lugares da parroquia de Colantres no concello coruñés de Coirós
Colantres | Mende | Queirís

Véxase tamén

Bibliografía

• Veiga Ferreira, Xosé María; Sobrino Ceballos, Juan (2006). "San Salvador de Colantres" (PDF). A Xanela. Revista cultural das Mariñas (Betanzos) (21): 23–24. 
• Rodríguez González, Eladio (1958-1961): Diccionario enciclopédico gallego-castellano. Galaxia, Vigo, s.v. Etimoloxía.

Outros artigos

• Lugares de Coirós