Club Xadrez Fontecarmoa
O Club Xadrez Fontecarmoa (CXF), é un club de xadrez da localidade arousá de Vilagarcía de Arousa, federado na Federación Galega de Xadrez.[1] Adestra e xoga as partidas da Liga Galega de Xadrez na Casa da Xuventude de Vilagarcía de Arousa. O seu nome provén dunha das parroquias da vila, Fontecarmoa, na que está o instituto de educación secundaria e formación profesional no que se formou.
| Club Xadrez Fontecarmoa | |
|---|---|
| Tipo | club deportivo |
| Deporte | xadrez |
| Sede | Vilagarcía de Arousa |
| País | Galicia |
| [ editar datos en Wikidata ] | |
É coñecido por ter a mellor canteira de xogadores da comunidade, e conta con varios Mestres Internacionais.[2] Na tempada 2013-2014, contou con 15 equipos e unhas 150 licenzas federativas, copando a clasificación galega en ámbalas dúas categorías. Así mesmo, é o club con maior número de licenzas femininas do país, cun 25%.[3]
Historia editar
O club formouse a mediados dos anos 80 no I.F.P Fontecarmoa, dada a afección xadrecista por parte dalgúns estudantes e profesores do centro, e por iniciativa dun histórico do xadrez vilagarcián, Adolfo Pedrido. Nos seus primeiros anos estivo á sombra da outra entidade da vila, a sección de xadrez do Liceo Marítimo de Vilagarcía de Arousa. A raíz da desaparición deste último club no ano 200, algúns dos seus compoñentes comezaron a migrar cara a outros galegos, pero tamén ao CXF. Xunto cun bo traballo da directiva co deporte de base, o club medrou de forma espectacular na primeira década do século XXI ata chegar a ser o club de xadrez galego con máis equipos inscritos na Liga Galega de Xadrez e o que conta cun maior número de licenzas federativas.[4]
Torneos editar
A competición na que participan a meirande parte dos xogadores é a Liga Galega de Xadrez, que se disputa dende xaneiro ata abril; aínda que dado o carácter eminentemente xuvenil da entidade destaca a participación nos campionatos zonais, así coma nos campionatos galegos, no circuíto escolar e no prestixioso torneo Peón de Oro. Os mellores xogadores tamén teñen disputado os campionatos de España e incluso os campionatos europeos.[5]
O club organiza así mesmo numerosos torneos, coma os amigables nas noites de verán.[6]
Palmarés editar
Tempada 2006-2007 editar
- Mellor Club Deportivo do Concello de Vilagarcía (ano 2006).
Tempada 2007-2008 editar
Tempada 2008-2009 editar
- Mellor Club Deportivo do Concello de Vilagarcía (ano 2008).
Tempada 2009-2010 editar
- Dúas das súas promesas, participan no Campionato Mundial de Xadrez.[7]
Tempada 2010-2011 editar
Tempada 2011-2012 editar
Tempada 2012-2013 editar
- O seu equipo cadete, subcampión de España.[8]
- O seu equipo cadete, premio de Mellor deportista vilagarciano do ano 2012, concedido no ano 2013.[9][10]
- O seu xogador Julio Suárez, campión de España de xadrez rápido sub16.[11]
Tempada 2013-2014 editar
- Campión da División de Honra da Liga Galega de Xadrez.[12]
- O seu xogardor Julio Suárez, campión de España sub18.[13]
Outros editar
- Campións Galegos Infantís por equipos masculino e feminino.
- Varios campións e campioas autonómicos cada tempada.
Patrocinio editar
A entidade conta con numerosos patrocinadores privados: McDonald's, Porto de Vilagarcía, Sold Out, Empresa Pereira, Caixanova, Caixa Galicia, Deportes Rodas, Valdumia, Limpiezas All Cleaning, Restaurante A Pedra, Baños Print, Yupi ya, Cafetería La Marina...
Notas editar
- ↑ "Relación de clubs na Federación Galega de Xadrez". Arquivado dende o orixinal o 06 de outubro de 2014. Consultado o 05 de outubro de 2014.
- ↑ El Fontecarmoa se refuerza con dos Maestros Internacionales
- ↑ "El C.X. Fontecarmoa se supera a sí mismo con 150 jugadores y quince equipos federados". Arquivado dende o orixinal o 06 de outubro de 2014. Consultado o 05 de outubro de 2014.
- ↑ Historia do club na web oficial
- ↑ Abal y Suárez cosechan sus primeras derrotas en el Europeo
- ↑ Rey Daviña acoge esta noche el tercer torneo al aire libre del Fontecarmoa
- ↑ Juan Andrés Bayón y Julio Suárez, listos para el Mundial de Ajedrez Alevín
- ↑ El Fontecarmoa se hace con el subcampeonato de España
- ↑ “Jaque mate” del Fontecarmoa
- ↑ El equipo cadete del Club Xadrez Fontecarmoa, mejor deportista del año 2012 de Vilagarcía
- ↑ Julio Suárez se proclama campeón de España de ajedrez rápido en Granada
- ↑ El Fontecarmoa acapara los focos
- ↑ Julio Suárez asombra al ajedrez español al conquistar el título nacional Sub 18 con solo 15 años