Chelbacheb

As Illas Chelbacheb (tamén coñecidas como Illas Roca) son un pequeno arquipélago de 200 a 300 illas de pedra calcaria, cunha superficie total de 42 kilometros cadrados (16 sq mi) e unha altura máxima de 207 m. en Palau, entre as illas de Koror e Peleliu. As illas están formadas dun arrecife de coral parcialmente emerxido e están deshabitadas, pero son famosas polas súas praias e bosques tropicais e pola peculiar forma na maioría das illas. As illas foron declaradas Patrimonio da Humanidade da UNESCO en 2012.

Rock Islands
Chelbacheb
Vista da illa
Localización
Situación
País	Palau
Arquipélago	Chelbacheb
Mar	Océano Pacífico
Coordenadas	7°14′N 134°18′L
Xeografía
Superficie	41´12 km²
Punto máis alto	207 m.
Demografía
Poboación	6 hab. (2014)

Xeografía

As illas Chelbacheb están pouco poboadas e son famosas polas súas praias, as lagoas azuis e as peculiares formas de paraugas de moitas das propias illas. Moitas das illas presentan unha forma parecida a un cogomelo cunha base máis estreita na muesca intermareal. A sangría procede da erosión e da densa comunidade de esponxas, bivalvos, quitóns, lapas, ourizos e outros que pastan principalmente con algas.

O arquipélago divídese en sete grupos distribuídos de norte a sur.

• Illas Ulubsechel (6 km²): situado ao noroeste e xusto ao sur da illa de Koror. Está conformado por 20 illas;
• Illas Urukthapel ou Ngeruktabel (25 km²): ao suroeste de Ulubsechel e conformado por 80 illas, do cal sobresae a illa de Ngerukthable;
• Illas Ulong (0,08 km²): quince illas situadas ao oeste de Urukthapel;
• Illas Mecherchar (19 km²): 70 illas situadas ao sur de Ngeruktabel, do cal sobresae a illa de Eil Malk. Nesta illa está situado o chamado Lago das Medusas.
• Illas Ngerukeuid ou Seventy Islands (0,2 km²): 40 illas situadas ao oeste de Mecherchar;
• Illas Ngemelis (0,9 km²): 20 illas situadas ao sur de Ngerkeuid, sobresae a illa de Dmasech;
• Illas Ngeroi (1,2 km²): no extremo meridional do arquipélago, a só 5 km ao norte do estado de Peleliu. Consiste en cinco illas.

Lagoa meridional das illas Chelbacheb
Lagoa das Medusas (na parte inferior) en Eli Malk.
Patrimonio da Humanidade - UNESCO
País	Palau
Localización	7°14′N 134°18′L
Tipo	Mixto
Criterios	III, V, VII, IX, X
Inscrición	2012 (36ª sesión)
Rexión da UNESCO	Asia e o Pacífico
Identificador	1386

• 
  Vista aérea das illas.
• 
  Mergulladores descendendo a cova principal no Blue Hole.
• 
  Unha pequena ameixa xigante (Tridacna maxima).
• 
  Mergulladores descendendo xunto ó mastro da Cisterna xaponesa Iro.
• 
  Unha Anenomefish no naufraxio do buque xaponés Iro.
• 
  Unha das illas Rock.
• 
  Canle entre as illas Rock.

Véxase tamén

Ligazóns externas

• Island Directory Arquivado 04 de febreiro de 2012 en Wayback Machine.
• Map of Mecherchar (Eil Malk)