Chanzo

• Este artigo trata sobre a parte da escaleira, para os distintos niveis que serven de asento para os espectadores, véxase Bancada.

Denomínase chanzo, banzo ou paso a cada unha das superficies planas de pedra, madeira ou outra materia dunha escaleira, nas que se vai pisando ao subir ou baixar. Denomínase tamén banzo a cada unha das travesas ou barras horizontais dunha escada, onde se apoian os pés. 

Chanzos pétreos na escaleira da Praza da Quintana, en Santiago de Compostela.

A parte vertical denomínase tabica ou alzada. Pódense distinguir os seguintes tipos de chanzos:

• Chanzo curvo. Aquel cuxos bordos describen unha curva.
• Chanzo cadrado ou recto. O que ofrece igual ancho polas súas dúas caras.
• Chanzo de abano. O que pasa diagonalmente no relanzo dunha escaleira.
• Chanzo de ángulo. O que nas voltas ou ángulos das escaleiras serve de relanzo e é por conseguinte de maior anchura que os superiores.
• Chanzo de relanzo. O que forma o rebordo dun relanzo.
• Chanzo en declive. Aquel cuxa superficie superior está inclinada no canto de estar horizontal.
• Chanzo en semiángulo. O que está colocado inmediatamente encima ou debaixo dos de ángulo.
• Chanzo moldurado. O bordeado por unha moldura.
• Chanzo con realce. O que sobrevoa a tabica.
• Chanzo de arrancada. O máis baixo da escaleira.
• Chanzo triangular. O que está colocado seguindo os raios dun círculo.

Galería de imaxes

• 
  Cruceiro na Colexiata do Sar, Santiago de Compostela, cun baseamento de tres chanzos.
• 
  Chanzos dunha escaleira arredondada.
• 
  Banzos nas escaleira dun edificio.
• 
  Os traveseiros das escadas tamén son chamados de chanzos.

Notas

• Este artigo incorpora material do Diccionario enciclopédio popular ilustrado Salvat dos anos 1906 a 1914 que se atopa no dominio público.