Chanida Phaengdara Potter
Chanida Phaengdara Potter, nada en Vieng Xai o 28 de maio de 1984, é unha escritora e activista de Laos, traballadora nas comunidades da diáspora do sueste asiático e lao nos Estados Unidos de América.
| Biografía | |
|---|---|
| Nacemento | 28 de maio de 1984  (39 anos)Vieng Xai, Laos (en)  |
| Datos persoais | |
| País de nacionalidade | Estados Unidos de América |
| Educación | Universidade de Minnesota (pt) |
| Actividade | |
| Ocupación | escritora |
  | |
Traxectoria editar
Naceu na zona agrícola de Viengxai, onde a súa familia fora levada como prisioneiros políticos despois da guerra a campos de traballo e reeducación. En 1987, logo de tres anos en campos de refuxiados, a familia solicitou asilo político nos Estados Unidos e estableceuse en Minneapolis (Minnesota).
Fixo Estudos Globais e Comunicación na Universidade de Minnesota-Twin Cities, e fixo un mestrado na Universidade Hamline. Traballou no Twin Cities Daily Planet[1], Asian American Press, The Uptake, Minnesota Public Radio, Star Tribune, Pioneer Press e Voice of America. As súas publicacións céntranse na diáspora lao, os asuntos internacionais e o desenvolvemento sustentable a través dos medios de comunicación. En 2010 estivo presente na primeira Conferencia de Escritores Lao dos Estados Unidos canda a Saymoukda Vongsay, Catzie Vilayphonh e Bryan Thao Worra. Tamén estivo presente na segunda Conferencia de 2015, celebrada co Simposio Lao-estadounidense, co tema "A nosa viaxe compartida". En 2011 cofundou a publicación dixital Little Laos on the Prairie canda a Danny Khotsombath.
Notas editar
- ↑ "Chanida Phaengdara Potter on the Twin Cities Daily Planet". Arquivado dende o orixinal o 02 de abril de 2015. Consultado o 02 de abril de 2015.