Cesare Pavese
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2016.) |
Cesare Pavese, nado o 9 de setembro de 1908 en Santo Stefano Belbo e finado o 27 de agosto de 1950 en Turín, foi un dos máis importantes escritores italianos do século XX, que nos seus poemas e relatos describiu, entre outras temas, o mundo rural do Piemonte.
  | |
| Biografía | |
|---|---|
| Nacemento | 9 de setembro de 1908 Santo Stefano Belbo (Reino de Italia) |
| Morte | 27 de agosto de 1950 (41 anos) Turín (Italia) |
| Causa da morte | Suicidio (Sobredose ) |
| Lugar de sepultura | Santo Stefano Belbo (pt)  |
| Datos persoais | |
| Residencia | Turín (1946–1950) Roma (1945–1946) Turín (1936–1945) Brancaleone (pt) (1935–1936)Turín (1916–1935) Santo Stefano Belbo (pt) (1908–1916) |
| País de nacionalidade | Italia (1946–1950) Reino de Italia (1908–1946) |
| Relixión | Ateísmo |
| Educación | Universidade de Turín - filoloxía inglesa (1926–1930) Liceo Classico Massimo D'Azeglio (en) Sociale (en) |
| Actividade | |
| Campo de traballo | Escrita creativa e profesional, Prosa, poesía, crítica literaria, tradución e translation from English (en) |
| Ocupación | lingüista , crítico literario , xornalista , biógrafo , guionista , tradutor , crítico literario , escritor , poeta |
| Xénero artístico | Poesía e novela |
| Lingua | Lingua italiana e lingua inglesa |
| Obra | |
Obras destacables
| |
| Familia | |
| Cónxuxe | sen valor |
Premios
| |
Sinatura  | |
       | |
Traxectoria editar
Orfo de pai, dende 1914 foi educado por súa mai. Pavese fixo os estudos de bacharelato en Turín e estudou historia da literatura na universidade da mesma cidade. Durante os anos de universidade interesouse pola literatura dos Estados Unidos e graduouse cunha tese sobre o poeta norteamericano Walt Whitman. Alternaba o traballo de tradutor co ensino da lingua inglesa. Traduciu ó italiano Moby Dick de Herman Melville e obras de John Dos Passos, William Faulkner, Daniel Defoe, James Joyce e Charles Dickens.
En 1935 estivo preso e foi desterrado durante oito meses a Calabria, acusado de antifascismo polas cartas que intercambiou cunha moza súa da época, que militaba no partido comunista.
Entre 1928 e 1935 escribiu os poemas publicados en 1936 co título Lavorare stanca (Traballar cansa). Foron poemas innovadores, que, xunto coas súas obras de narrativa, lle atraeron a atención dun público amplo. Nesa época comezou o diario literario-existencialista Il mestiere di vivere (O oficio de vivir) que continuou ata a morte. Dende 1938 traballou para a editora turinesa Einaudi.
Durante a segunda guerra mundial instalouse coa familia no campo. Amigou co daquela descoñecido escritor Italo Calvino. Despois da guerra trasladouse a Serralunga di Cera e despois a Roma, Milán e Turín. En 1945 entrou no Partido Comunista Italiano, PCI. Gañou o premio Strega de Literatura en 1950 por La bella estate (O fermoso verán).
O desengano amoroso pola fin da relación sentimental coa actriz norteamericana Constance Dowling, á que dedicou os últimos versos de Verrà la morte ed avrà i tuoi occhi (Vira a morte e terá os teus ollos) e a angustia existencial levárono ó suicidio o 27 de agosto de 1950, nun cuarto do Hotel Roma en Turín.
Un dos temas típicos na obra de Calvino é o illamento do individuo. O protagonista típico das obras de Pavese e un home solitario (voluntariamente ou non), que ten relacións superficiais con outras persoas e que, en contra dos seus desexos, acaba por traizoar ós seus ideais e amigos, como ocorre na novela A cadea. O título da colección de dous relatos Antes de que cante o galo fai referencia á traizón de Pedro a Xesús Cristo.
Obra editar
| “ | Calquera que pasa ten un rostro e unha historia. — Cesare Pavese. |
” |
- Lavorare stanca, poemas, Florencia: 1936, ed. ampliada, Turín: 1943
- Paesi tuoi, novela, Turín: 1941
- La spiaggia, novela, 1941
- Feria d'agosto, Turín: 1946
- Il compagno, novela, Turín: 1947
- Dialoghi con Leucò, contos, Turín: 1947..
- Prima che il gallo canti, novela, Turín: 1949
- La bella estate, novela, Turín: 1949 [Contén as novelas: La bella estate (1940), O demo nos outeiros e Tra donne sole]
- La luna e i falò, novela, Turín: Einaudi, 1950; Milán: Mondadori, 1969, 1982.
- Verrà la morte ed avrà i tuoi occhi, poemas, Turín: 1951
- La letteratura americana e altri saggi, ensaios, Turín: 1951
- O oficio de vivir. 1935-1950, diario, Galaxia, 2006
- Notte di festa, 10 contos, Turín: 1953
- Fuoco grande, novela, en colaboración con Bianca Garufi, Turín: 1959
- Contos, Turín: 1960
- Cartas 1924-1944, Turín: 1966
- Cartas 1945-1950, Turín: 1966
- Tutto Pavese, Turín: 1968
Véxase tamén editar
Wikimedia Commons ten máis contidos multimedia na categoría: Cesare Pavese  |