Cercamon
Cercamon, foi un dos primeiros trobadores en lingua occitana, activo entre 1135 e 1152. Nado na Gascuña, parece ser un bufón ou trobeiro que pasou a meirande parte da súa carreira na corte de Guillerme X, que destacou pola súa protección das artes. Foi o creador do planh (unha elexía de tipo provenzal), a primeira delas adicada precisamente a Guillerme X e que comezaba dicindo Lo plaing comenz iradamen. Tamén se lle considera creador do tenso (un tipo de regueifa, onde dous poetas altérnanse escribindo unha estrofa cada un).
.jpg)  | |
| Biografía | |
|---|---|
| Nacemento | século XII |
| Morte | século XII |
| Actividade | |
| Campo de traballo | Occitan culture (en)  |
| Ocupación | trobador , poeta , compositor |
| Período de actividade | 1135 - 1152 |
| Movemento | Música medieval (pt) e poesia trovadoresca (pt) |
| Lingua | Occitano antigo |
.jpg)
Descoñecese cal era o seu nome real, así como moitos detalles da súa biografía. Posto que Cercamon, en occitano medieval significa simplemente buscamundos.
A meirande parte da información que temos da súa vida son só rumores ou conxecturas: algúns dos seus contemporáneos aseguran que foi mestre do trobador e paisano seu Marcabrú, para outros foron compañeiros, acollidos e protexidos ambos na corte de Aquitania, en Poitiers, outros consideran que era Marcabrú o mestre de Cercamon. Tamén algúns indicios apuntan a que morreu nas Cruzadas, seguindo ao seu rei, Lois VII.
Consérvanse unhas 7 composicións súas, aínda que ningunha coa súa melodía. Porén, ningunha das pastorelas, as composicións que lle deron máis fama entre os seus contemporáneos, se conserva.
Véxase tamén editar
Wikimedia Commons ten máis contidos multimedia na categoría: Cercamon  |
Bibliografía editar
- Alfred Jeanroy (1966). Les Poésies de Cercamon. París: Libraire Honoré Champion.
- Wolf, George e Rosenstein, Roy (1983). The Poetry of Cercamon and Jaufre Rudel. Londres: Garland Publishing, Inc.
- Biographies des troubadours ed. J. Boutière, A.-H. Schutz (París: Nizet, 1964) pp. 9–13.