Centro de Visitantes Cambón

O Centro de visitantes do Parque Nacional das Illas Atlánticas de Galicia é un centro de interpretación aberto en decembro de 2012 na cidade de Vigo, de titularidade autonómica. A temática é o Parque Nacional Marítimo-Terrestre das Illas Atlánticas de Galicia (Cíes, Ons, Sálvora e Cortegada), o único Parque Nacional en Galicia.

Centro de Visitantes Cambón
Tipo	centro de interpretación e centro de visitantes
Persoas e organizacións
Operador/a	Xunta de Galicia
Propietario/a	Xunta de Galicia
Datas
Fundación	2012
Inauguración	26 de decembro de 2012
Dimensións
Superficie	1.500 m²
Localización
42°14′21″N 8°43′32″O
Estado	España
Comunidade autónoma	Galicia
Provincia	provincia de Pontevedra
Concello	Vigo
Contacto
Páxina WEB	parquenacionalillasatlanticas.com…
[ Wikidata ] [ C:Commons ]

Descrición do centro de visitantes

Sitúase no Edificio Cambón (trala Colexiata de Santa María), na rúa Palma da zona antiga. Dotado de área expositiva, auditorio, aulas e zonas de oficinas, fixéronse nel obras de rehabilitación por un importe superior aos catro millóns de euros, achegados polo Ministerio de Agricultura, Alimentación e Medio Ambiente.

O espazo inclúe pinturas, esculturas, fotografías, vídeos, sons e relevos. Entre o equipamento destacan catro teletransportadores, un por arquipélago, que son cabinas nas que sobe o usuario e experimenta efectos visuais e interactivos.

A entrada é gratuíta.

Galería de imaxes

• 
• 
• 
  Paneis.
• 
  Teletransportadores.

Véxase tamén

Outros artigos

• Casa Galega da Cultura
• Casa das Artes

Ligazóns externas

• Presentación do equipamento Arquivado 03 de novembro de 2013 en Wayback Machine. (en PDF).
• [1] e [2] na Revista da Tarde da Televisión de Galicia, 10/1/2013.