Celso Collazo Lema
Celso Collazo Lema, nado en Vimianzo o 15 de novembro de 1921 e finado en Guadalix de la Sierra o 4 de xullo de 2014, foi un xornalista e escritor galego.
| Celso Collazo Lema | |
|---|---|
| Nacemento | 15 de novembro de 1921 |
| Lugar de nacemento | Vimianzo |
| Falecemento | 4 de xullo de 2014 |
| Lugar de falecemento | Guadalix de la Sierra |
| Nacionalidade | España |
| Ocupación | xornalista e escritor |
| Pai | Celso Collazo Álvarez |
| Cónxuxe | María Antonia Dans |
| Fillos | Rosalía Dans |
| [ editar datos en Wikidata ] | |
Traxectoria editar
Fillo de Celso Collazo Álvarez, colaborador de Castelao, que foi paseado en Ponteareas en 1936. Estudou o bacharelato no Instituto de Pontevedra. Trasladado a Compostela, iniciouse como xornalista en La Noche, Manuel Blanco Tobío ofreceulle un emprego en Madrid na Dirección General de Prensa en 1951. Alí comezou a súa carreira xornalistica. Ao ano seguinte casou coa pintora María Antonia Dans. En 1957 foi enviado especial en Londres do diario Pueblo e foi o primeiro delegado da Axencia Efe en Moscova, Nova York e Londres. Colaborou na fundación da editorial SEPT. Escribiu traballos de crítica literaria e investigou sobre as obras de Lamas Carvajal, Curros Enríquez e outros escritores galegos. Publicou na revista Ínsula o artigo "El argot en la novela" e cultivou a poesía, recibindo un premio polo poema "Cantigas ao mar do Ferrol" nos Juegos Florales de la Marina.[1]
Obras editar
- A Virxe do Cristal.
- Ensaio crítico.
- A Bretaña de Renán.