Celso Álvarez Cáccamo

Celso Álvarez Cáccamo
Biografía
Nacemento	15 de decembro de 1958 (65 anos); Vigo, España
Actividade
Ocupación	escritor, sociolingüista
Familia
Pai	Xosé María Álvarez Blázquez
Irmáns	Xosé María Álvarez Cáccamo; Berta Álvarez Cáccamo; Alfonso Álvarez Cáccamo
Sitio web	blogue.celsoalvarezcaccamo.org

Celso Álvarez Cáccamo, nado en Vigo o 15 de decembro de 1958, é un escritor e sociolingüista galego.

Traxectoria

Fillo de Xosé María Álvarez Blázquez e irmán de Xosé María, Alfonso, e Berta Álvarez Cáccamo, entre 1975 e 1990 estudou e viviu en Compostela, Barcelona, Buffalo (EUA) e Berkeley (EUA).

Licenciado en Filoloxía Hispánica pola Universidade Central de Barcelona. Doutor en Filoloxía Hispánica, a súa tese de doutoramento: The Institutionalization of Galician: Linguistic Practices, Power, and Ideology in Public Discourse foi presentada na UC Berkeley. É mestrado en Lingua e Literatura Españolas pola State University of New York en Buffalo. Actualmente é profesor de Lingüística xeral na Universidade da Coruña.

É autor de múltiples artigos académicos relacionados coa sociolingüística. Xestiona a páxina Versão Original e a revista çopyright de pensamento crítica e intervención. Tamén foi colaborador de Vieiros.

Obra

Poesía

Os distantes (1995), Espiral Maior.
Os passos da procura (2018, Através).

Obras colectivas

Escolma de familia. Cen anos de poesía (2000, Xerais).
Poemas ao pai (2008, Espiral Maior).

Véxase tamén

Bibliografía

Dicionario biográfico de Galicia, Ir Indo Edicións, 2010-2011, Vigo.