Celebrity Skin
Celebrity Skin é o terceiro álbum de estudio da banda estadounidense de rock alternativo Hole, editado o 8 de setembro de 1998[1] a través do selo DGC Records en Estados Unidos e de Geffen Records internacionalmente. Foi o último álbum lanzado polo grupo antes da súa disolución en 2002.
| Celebrity Skin | ||||
|---|---|---|---|---|
| Álbum de Hole | ||||
| Publicado | 8 de setembro de 1998 | |||
| Gravación | abril de 1997 - febreiro de 1998 | |||
| Estudio(s) | Conway Studios & Record Plant, Quad Studios e Olympic Studios | |||
| Duración | 50:23 | |||
| Xénero(s) | rock alternativo, post-grunge | |||
| Selo(s) | DGC Records | |||
| Produtor | Michael Beinhorn e Eric Erlandson | |||
| Cronoloxía | ||||
| ||||
| Na rede | ||||
    | ||||
| [ editar datos en Wikidata ] | ||||
Hole pretendía que o disco diverxese significativamente do seu son anterior con influencias noise e grunge, como o que tiña Pretty on the Inside (1991) e Live Through This (1994). A banda contratou ao produtor Michael Beinhorn para gravar Celebrity Skin durante un período de nove meses que incluíu sesións nos Ánxeles, Nova York e Londres. Foi o único álbum de estudio do grupo en contar coa baixista Melissa Auf der Maur. A batería Patty Schemel tocou nas demos para o disco pero foi substituída polo batería de sesión Deen Castronovopor suxestión de Beinhorn. Este feito creou unha fenda entre Schemel e a banda, o que provocou que abandonase a xira e se separase do grupo, aínda que se lle seguiu acreditando.
A banda procurou usar Os Ánxeles e o estado de California como tema unificador e comezou a escribir o que concibiron como un "álbum californiano" en 1997. A diferenza dos lanzamentos anteriores de Hole, as cancións finais de Celebrity Skin contaron con contribucións instrumentais de varios músicos alleos á banda, principalmente Billy Corgan, quen coescribiu os arranxos musicais de cinco cancións. O antigo compañeiro de banda de Auf der Maur, Jordon Zadorozny, así como a guitarrista de The Go-Go's, Charlotte Caffey, tamén contribuíron á composición dunha canción. A vocalista Courtney Love, que escribiu todas as letras, puxo o nome do álbum e da canción principal por un poema que ela escribira e que estaba influenciado por "The Waste Land" de T. S. Eliot. Os motivos de auga e afogamento tamén destacan en todo o álbum.
Listaxe de cancións
editar| N.º | Título | Escritor(es) | Duración | ||||||
|---|---|---|---|---|---|---|---|---|---|
| 1. | "Celebrity Skin" | Courtney Love, Eric Erlandson, Billy Corgan | 2:42 | ||||||
| 2. | "Awful" | Love, Erlandson, Melissa Auf der Maur, Patty Schemel | 3:16 | ||||||
| 3. | "Hit So Hard" | Love, Erlandson, Corgan | 4:00 | ||||||
| 4. | "Malibu" | Love, Erlandson, Corgan | 3:50 | ||||||
| 5. | "Reasons to Be Beautiful" | Love, Erlandson, Auf der Maur, Charlotte Caffey, Jordon Zadorozny | 5:19 | ||||||
| 6. | "Dying" | Love, Erlandson, Corgan | 3:44 | ||||||
| 7. | "Use Once & Destroy" | Love, Erlandson, Auf der Maur, Schemel | 5:04 | ||||||
| 8. | "Northern Star" | Love, Erlandson | 4:58 | ||||||
| 9. | "Boys on the Radio" | Love, Erlandson, Auf der Maur | 5:09 | ||||||
| 10. | "Heaven Tonight" | Love, Erlandson | 3:31 | ||||||
| 11. | "Playing Your Song" | Love, Erlandson, Auf der Maur | 3:21 | ||||||
| 12. | "Petals" | Love, Erlandson, Corgan | 5:29 | ||||||
| 50:23 | |||||||||
- Cancións extra no Xapón
| N.º | Título | Escritor(es) | Duración | ||||||
|---|---|---|---|---|---|---|---|---|---|
| 13. | "Best Sunday Dress" | Love, Erlandson, Kat Bjelland | 4:25 | ||||||
| 54:48 | |||||||||
Notas
editar- ↑ "Courtney Love Bares Soul With Hole's Celebrity Skin". MTV (en inglés). Arquivado dende o orixinal o 13 de maio de 2023. Consultado o 2023-05-13.