Celbridge

Celbridge en inglés ou Cill Droichid en irlandés, é unha vila próxima ao río Liffey, na provincia de Leinster, no Condado de Kildare, Irlanda. Está situado a 22 quilómetros de Dublín, e ten unha poboación aproximada de 20,000 habitantes.

Celbridge

Cill Droichid (ga)
Localización
53°19′57″N 6°32′06″O
Estado	Irlanda
Provincias	Leinster
Condados	Condado de Kildare
Xeografía
Altitude	55 m
Identificador descritivo
Fuso horario	UTC±00:00

Nos últimos anos Celbridge experimentou un forte crecemento, aínda que a meirande parte dos servizos e o entretemento da cidade encóntranse en “main street” (a rúa principal). De feito, Celbridge é o municipio máis grande de Irlanda que ten só unha rúa. Aínda que aumentou de tamaño, non ten novas rúas "streets", senón "roads", moito máis pequenas e de menos importancia.

O nome de Celbridge deriva do gaélico "Cill Droichid", algo así como "A igrexa pola ponte". En ocasións foi denominada Kildrought en inglés.

Igrexa Católica en Celbridge

Lugares de interese

A vila de Celbridge é moi coñecida porque nela se encontra a casa de Castletown. Castletown House atópase en "main street", e é coñecida como a casa máis grande de Irlanda, contruída en 1722. Entroutros, ten unha enorme sala de 80 pés elegantemente decorada e unha impresionante escaleira principal no vestíbulo, de viga voladiza e feita con pedra de Portland.

"Connolly's Folly" ou "The Obelisk" (o obelisco) é unha estrutura obelística achegada a Castletown House, construída en 1739. Mide 42 metros de alto e está decorada con formas de piedra.

Personaxes públicos

Celbridge foi lugar de residencia de Vanessa Van Homrigh, a amante de Jonathan Swift, o famoso escritor irlandés, autor de As viaxes de Gulliver.

Sir Arthur Guinness, fundador da empresa cervexeira que leva o seu nome, tamén naceu nesta localidade.

Damien Rice, gran figura da música irlandesa actual, é de Celbridge, ao igual que a banda Bell X1.

Ligazóns

• Sitio Oficial (en inglés)