Cebú
A illa de Cebú, chamada A Raíña do Sur, é a illa principal da provincia de Cebú, na Rexión Visayas Central VII, do arquipélago das Visayas, en Filipinas. Sitúase entre as illas de Luzón ao norte, Bohol e Leyte ao leste separadas polo estreito de Cebú, Mindanao ao sur e Negros e Palawan, ao oeste. Dista 630 km ou 392 millas de Manila.
| Cebú | |
|---|---|
 Localización da illa | |
 | |
| Situación | |
| País |  Filipinas |
| Provincia | Cebú |
| Coordenadas | 9°25′N 123°13′L / 9.417, -123.217Coordenadas: 9°25′N 123°13′L / 9.417, -123.217 |
| Xeografía | |
| Superficie | 4.467´5 km² |
| Longura máxima | 196 km. |
| Largura máxima | 32 km. |
| Perímetro | 513´9 |
| Punto máis alto | 1.097 |
| Demografía | |
| Capital | Cebu City |
| Poboación | 3.979.155 (censo 2015) |
| Densidade | 890 hab./km² |
| Xentilicio | Cebuano/a |
| Lingua propia | cebuano ou sugbuanon, tagalo (oficial) |
Principais datos editar
A illa sitúase entre os 9º 25’ e os 11º 15’ de latitude norte e os 123º 13’ e 124º 5’ de lonxitude leste.
O Fuso Horario é GMT 8 horas. En hora local, amence ao redor das 6:00 e atardece ás 18:00.
Ten unha superficie de 4.422 km², sendo a novena en extensión do arquipélago. Ten 225 km de lonxitude norte-aur e 35 km de anchura leste-oeste.
Ten unha poboación aproximada de 3 millóns de habitantes.
Os principais núcleos de poboación son Cebú City, Bogo, San Remigio, Medellín e Daanbantayan.
Os seus habitantes chámanse Cebuanos (en cebuano: Sugbuanon)
Clima editar
Pertence á Zona Climática Tropical
- Estacións:
- Tempada Seca: de novembro a xaneiro
- Tempada Húmida: de febreiro a outubro
- Precipitacións: 1.500 mm/ano
- Humidade media anual: 83%
- Temperatura media anual: 30 °C.
- Rango diúrno de Temperaturas: 26 °C a 38 °C.
- Temperatura mínima nocturna: 18 °C (no Período Frío de outubro a febreiro).
Xeografía editar
- Formación:
- A illa de Cebú formouse no período Carbonífero, fai 350 millóns de anos.
- Sismoloxía e Vulcanismo:
- Nun arquipélago caracterizado polo vulcanismo e a actividade sísmica, a illa de Cebú pertence á zona de inactividade, co que só sofre pequenos terremotos. O de maior entidade dos últimos anos foi en 1991 cunha magnitude de 4 na escala Richter. Non houbo vítimas mortais.
- Orografía:
- A illa de Cebú caracterízase pola predominancia de terras altas, sen cuberta vexetal, con alturas superiores aos mil metros, aínda que existen algunhas zonas de planicie na zona Norte da illa.
- Hidrografía:
- Debido á súa Orografía e á forte deforestación, cerca do 60% das precipitacións son de escorrentía.
Economía editar
A minería, a exportación de mobles e bixutería e o tráfico portuario de Cebú City, constitúen as principais fontes de ingresos da illa.
Na zona central da illa destacan as minas de:
Historia editar
Na etapa de descubrimento e colonización hispana, pódense distinguir dúas fases:
Fernão de Magalhães editar
- En marzo de 1521 Fernão de Magalhães desembarca nun poboado de pescadores chamado Zubu ou Sugbu, sendo ben recibidos polo xefe da illa, que logo de 8 días, foi bautizado, con varios centenares de súbditos. En agradecemento, e para confirmar a alianza, Magalláns atacou a veciña illa de Mactán, onde achou a morte.
Logo da morte dos seus sucesores Duarte Barbosa e Serrano, as naves Trindade e Vitoria abandonaron a illa rumbo ás Molucas.
Legazpi editar
- En 1563 Filipe II de España rei das España, ordena ao vicerrei de Nova España, Luís de Velasco a organización dunha expedición ao Arquipélago de San Lázaro, nome inicial de Filipinas, que foi encomendada a Miguel López de Legazpi, que partiu de México o 21 de novembro de 1564, acompañado do cosmógrafo e mariño frei Andrés de Urdaneta e doutros catro agostiños, que foron os primeiros evanxelizadores do arquipélago filipino.
- En marzo de 1565 Legazpi arriba ás Filipinas. O 27 de abril de 1565, encabezando un grupo de 380 homes de armas e de mar, desembarca na illa de Cebú, e toma posesión da mesma en nome da Coroa española. O 8 de maio de 1565 procede a fundar a Vila de San Miguel, actual Cebú City, constituída en capital dos dominios hispanos e base da expansión e conquista de Filipinas ata a fundación de Manila en 1571.