Castro da Braña

Coordenadas: 43°07′50″N 8°17′10″O / 43.1306438, -8.2860664

O Castro da Braña é un poboado castrexo situado no lugar das Painceiras nos lindes da parroquia de Visantoña, (Mesía), e Filgueira de Traba (Oza-Cesuras).

Castro da Braña
ParroquiaVisantoña e Filgueira de Traba
ConcellosMesía, Oza-Cesuras
ProvinciaA Coruña
Comunidade autónomaGalicia
Id. catálogoGA15026010
Cronoloxía
Datas de ocupaciónIdade de ferro
Estado actualdestruído
Extensión estimada0,52 ha.
Véxase tamén
Castros de Galicia

MorfoloxíaEditar

O castro apréciase que ten unha forma ovalada e que abrangue 84 por 62 metros, sendo os dous eixos en dirección LSL-ONO e SSE-NNO. Orixinariamente debeu ser de menor tamaño. Conserva un parapeto nunha zona pequena do norte dunhas dimensións de 2 metros de altura no interior e uns 3 metros no exterior. O foxo, que semella que circundaba a totalidade do castro, non supera o metro de profundidade. Un corte do parapeto permite ver a súa estrutura interna e que se trata dunha mestura de pedras de xisto e terra. Os terrapléns que se conservan son pequenos, entre o metro e os dous metros, e só parecen ser maiores no NO, onde poderían acadar os 3 metros de altura[1].

ArqueoloxíaEditar

Non se ten noticia de que se realizasen campañas arqueolóxicas. Na actualidade non se pode visitar.

ConservaciónEditar

Obras de achanzamento e actividades agrícolas destruíron case todo o recinto, sendo o estado de conservación pésimo[1].

NotasEditar

  1. 1,0 1,1 [1] Arquivado 15 de xullo de 2013 en Wayback Machine. Xacementos arqueolóxicos. Plano Xeral de Ordenación Municipal de Mesía.

Véxase taménEditar

Outros artigosEditar