Castor fiber

O Castor fiber é unha especie de roedor castorimorfo da familia Castoridae. É o roedor máis grande de Eurasia.

Castor fiber

Pouco preocupante^[1]

Reino:	Animalia
Filo:	Chordata
Clase:	Mammalia
Orde:	Rodentia
Suborde:	Castorimorpha
Familia:	Castoridae
Xénero:	Castor
Especie:	C. fiber

Nome binomial

'Castor fiber'
L., 1758

Subespecies

C. f. fiber^[2]
C. f. albicus^[2]
C. f. vistulanus^[2]
C. f. biellorussieus^[2]
C. f. birulai^[2]
C. f. pohlei^[2]
C. f. tuvinicus^[3]
C. f. orientoeuropeas^[3]

Distribución editar

Vive nos remansos ou correntes lentas de ribeiras, densamente cubertas de vexetación baixa. Moi abundante antigamente en toda Eurasia, hoxe en día só se atopa nalgunhas rexións da antiga URSS. En Europa, os últimos individuos moran no delta do Ródano, a península Escandinava, Alemaña, Polonia e a ex URSS. Nos demais lugares foi exterminado polo ser humano por mor da súa pel, a súa carne suculenta (considerada na Idade Media coma un alimento de Coresma) e a súa glándula de almiscre anal, cuxa secreción, o castóreo, era considerada medicinal.

Historia natural editar

Áchanse perfectamente adaptados á vida anfibia e saben nadar e mergullar moi ben. Ademais están cubertos por unha pelaxe mesta impermeábel, ten narices obturábeis, rexas patas traseiras dotadas de membrana natatoria e unha cola curiosa, ancha e esmagada, cuberta unicamente de escamas dérmicas.

Castor fiber nun billete de 3 rublos belarusos

Os seus fortes dentes acerados permítenlle rillar os toros das árbores pequenas que conseguen deitar. Deste xeito procuran o alimento (follas e casca) e os materiais necesarios para a construción dos seus encoros e casoupas. Estas atópanse formadas por pólas e terróns amoreados; no seu interior encóntrase o niño que fica no medio e medio da auga. Ás veces tamén escavan tobos na beira dos ríos, mais a saída sempre está baixo a auga. Son animais de actividade nocturna e non coñecen o repouso invernal. En América do Norte existe unha variedade que ás veces se considera coma unha especie independente, o Castor canadensis.

Notas editar

↑ Batbold, J., Batsaikhan, N., Shar, S., Amori, G., Hutterer, R., Kryštufek, B., Yigit, N., Mitsain, G. y Palomo, L.J. "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza.
↑ ^2,0 ^2,1 ^2,2 ^2,3 ^2,4 ^2,5 Kitchener, Andrew (2001). Beavers. p. 144. ISBN 1-873580-55-X
↑ ^3,0 ^3,1 Genetic Divergence and Similarity of Introduced Populations of European Beaver (Castor fiber L., 1758) from Kirov and Novosibirsk Oblasts of Russia, Journal Russian Journal of Genetics, Publisher MAIK Nauka/Interperiodica distributed exclusively by Springer Science+Business Media LLC. ISSN 1022-7954 (Print) 1608-3369 (Online), Issue Volume 37, Number 1 / January, 2001

Véxase tamén editar

[iucn-1] Batbold, J., Batsaikhan, N., Shar, S., Amori, G., Hutterer, R., Kryštufek, B., Yigit, N., Mitsain, G. y Palomo, L.J. "{{{taxon}}}". Lista Vermella de especies ameazadas. (en inglés). Unión Internacional para a Conservación da Natureza.

[andy-2] 2,0 ^2,1 ^2,2 ^2,3 ^2,4 ^2,5 Kitchener, Andrew (2001). Beavers. p. 144. ISBN 1-873580-55-X

[Milishnikov-3] 3,0 ^3,1 Genetic Divergence and Similarity of Introduced Populations of European Beaver (Castor fiber L., 1758) from Kirov and Novosibirsk Oblasts of Russia, Journal Russian Journal of Genetics, Publisher MAIK Nauka/Interperiodica distributed exclusively by Springer Science+Business Media LLC. ISSN 1022-7954 (Print) 1608-3369 (Online), Issue Volume 37, Number 1 / January, 2001

[1]

[2]

[3]