Castelo dos Infantes, Sarria
Santiago de Castelo dos Infantes é unha parroquia rural do concello de Sarria na provincia de Lugo. Segundo o Instituto Galego de Estatística no ano 2007 tiña 44 habitantes (20 homes e 24 mulleres) nunha soa entidade de poboación, o que supón unha diminución en relación ao ano 2003 cando tiña 50 habitantes.
| Castelo dos Infantes | |
|---|---|
| Concello | Sarria[1] |
| Provincia | Lugo |
| Coordenadas | 42°46′02″N 7°22′53″O / 42.76711111, -7.38130556 |
| Poboación | 47 hab. (2017) |
| Entidades de poboación | 1[1] |
| [ editar datos en Wikidata ] | |
Lendas
editarSegundo a lenda[2], nun castelo de Castelo dos Infantes vivía un nobre que tivo que ir á guerra co islam cando a súa dona estaba embarazada. Chegado o momento do parto, a dona tivo sete meniños, o que a asustou en extremo. Téñase presente a crenza en que os partos múltiples se achacaban a manter relacións sexuais con varios homes.
Para evitar problemas co seu home, ordenou a unha criada que os matara, a todos menos ó primoxénito, deixándoos nunha cesta aboiando no río. Cando a criada ía facelo aparecéuselle un cabaleiro preguntando qué tiña na cesta, ó que contestou dicindo que eran varios cadelos. O cabaleiro insistiu e a criada terminou contándolle a verdade. Entón, o cabaleiro tomou os meniños e confiounos a un figalgo amigo seu, esixiendo á criada que non contase o sucedido.
Pasados os anos, o rapaz que quedara na casa alcanzou a maioría de idade e a nai celebrou unha festa no seu honor[3]. Pero durante a celebración entran no palacio os seis irmáns. A nai recoñeceunos e, co asombro, morre.
Lugares e parroquias
editarLugares de Castelo dos Infantes
editar| Lugares da parroquia de Castelo dos Infantes no concello de Sarria (Lugo) | |
|---|---|
Parroquias de Sarria
editarNotas
editar- ↑ 1,0 1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
- ↑ Vaqueiro, V. (2011). Mitoloxía de Galiza. Lendas, tradicións, maxias, santos e milagres. Vigo: Galaxia. p. 446.
- ↑ Nunha variante da mesma lenda, a festa celébrase co gallo da primeira comuñón do meniño.