Castelo de Slade

O Castelo de Slade (en irlandés: Caisleán an tSlaoid, en inglés: Slade Castle) é unha casa-torre e un Monumento Nacional Irlandés situado no condado de Wexford, Irlanda.

Castelo de Slade
Edificio
Tipo	Casa-torre
Localización	Irlanda, Condado de Wexford, Slade
Coordenadas	52°08′02″N 6°54′39″O
Slade
Construción
Construción	Principios do século XVI
Dimensións
Altura	17 m (56 ft)
[ editar datos en Wikidata ]

Localización

O Castelo de Slade está situado na vila de Slade, preto do extremo da Península de Hook, a 1.7 km (1.1 mi) ao nordeste do Faro do Cabo de Hook.

Historia

O forte orixinal foi construído pola familia Laffin (Laffan) a finais do século XV. A sala fortificada de dous pisos agregouse no século XVI, engadindo tamén ameas. A facenda dos Laffin era bastante pequena, 86 ha (210 acres). Isto suxire que outras fontes de ingresos, como a pesca e o comercio, deben de haber financiado o castelo.

Os Laffin perderon Slade trala Rebelión irlandesa de 1641. Empregouse como almacén de sal ata o século XIX, momento no cal o castelo converteuse nunha vivenda de alugueiro. Cando a Oficina de Obras Públicas (Office of Public Works) se fixo cargo do castelo na década de 1940, foi restaurado á súa antiga condición.

Edificación

Outra vista do castelo, con varias seteiras.

A parte máis antiga do castelo é a torre de catro pisos. A planta baixa e o terceiro piso teñen teitos abovedados, con ameas irlandesas no parapeto, dende onde hai formidábeis vistas da baía de Bannow e do porto de Waterford, importantes para a defensa. A porta de entrada está protexida por un matacán e un buraco de asasinato. No segundo piso consérvanse unha cheminea e un roupeiro. Ás tres habitacións da planta baixa non se pode acceder dende as vivendas de arriba e poden haber sido empregadas como almacéns.

O ástrago ten dous pisos, coa entrada protexida por un buraco de asasinato. Hai unha gran cheminea no extremo oeste e un alxube na parede sur. Unha escaleira mural conduce ao piso superior.