Carme Adán

Carme Adán Villamarín, nada en Donostia (Guipúscoa) o 16 de decembro de 1966, é unha política e intelectual e profesora galega.

Carme Adán

(2019)
Biografía
Nacemento	16 de decembro de 1966 (57 anos) Donostia, España
Deputada do Parlamento de Galicia
Datos persoais
Educación	Universidade de Santiago de Compostela
Actividade
Ocupación	política, profesora
Partido político	Bloque Nacionalista Galego

Carme Adán na presentación do libro O soño de Xoán de Farruco Graña na libraría Paz de Pontevedra

Traxectoria

A súa familia é orixinaria de Lalín. Ao regresar da emigración en Guipúscoa, foi vivir a Vigo. Licenciouse en Filosofía pola Universidade de Santiago de Compostela. En 1990 comezou a impartir aulas de ensino secundario, tendo actualmente o seu destino no IES Politécnico de Vigo. En 2002 doutorouse na mesma universidade coa tese Epistemoloxía, natureza e xénero, baixo a dirección de María Xosé Agra.

Amais, escribiu ducias de artigos. Presidiu a Aula Castelao de Filosofía entre 1999 e 2005. Nese ano pasou a formar parte da comisión de xénero do Consello da Cultura Galega.

Foi elixida parlamentaria galega nas eleccións de 2005, tras presentarse nas listas do Bloque Nacionalista Galego como número 1 da provincia de Pontevedra. Posteriormente, foi nomeada Secretaria Xeral da Igualdade da Vicepresidencia da Igualdade e do Benestar da Xunta de Galicia.

É membro da plataforma cívica ProLingua.

Libros publicados

Ensaio

Presentación de Feminicidio na Casa das Campás o 31/01/2018. Con Malores Villanueva e Luís Bará.

• Feminismo e coñecemento. Da experiencia das mulleres ao ciborg, 2003, Espiral Maior.
• Cartografías do derrubo, 2011, Difusora.
• Feminicidio. Unha nova orde patriarcal en tempos de submisión (2018). Ed. Galaxia. 188 páxs. ISBN 978-84-9151-257-8.

Véxase tamén

Bibliografía

• Santorum, Gracia (2009). Fervenza, ed. Dicionario de escritores de Deza. A Estrada. p. 15. ISBN 978-84-96368-00-2. 

Ligazóns externas

• CV de Adán, na UVigo.