Carlos Vázquez Pimentel

médico e político galego

Carlos Vázquez Fernández-Pimentel, máis coñecido como Carlos Vázquez Pimentel, nado en Lugo e finado na mesma cidade o 23 de marzo de 1984,[1] foi un médico e político galego.

Carlos Vázquez Pimentel
Nacementoséculo XIX
 Lugo
Falecemento23 de marzo de 1984
 Lugo
NacionalidadeEspaña
Ocupaciónmédico e político
IrmánsLuís Pimentel e José Vázquez Fernández-Pimentel
editar datos en Wikidata ]

TraxectoriaEditar

Irmán do poeta Luís Pimentel. Traumatólogo, exerceu no Sanatorio Pimentel de Lugo. Participou na reorganización da Agrupación Socialista de Lugo en 1930. Foi elixido concelleiro e foi tenente de alcalde na primeira corporación republicana e vogal Comisión Xestora Provincial (entre maio 1931 e febreiro de 1934). Foi candidato do PSOE nas Eleccións a Cortes Constituíntes de 1931. A finais de febreiro de 1934 foi elixido alcalde de Lugo, logo da dimisión de José Cobreros de la Barrera, permanecendo no posto ata outubro dese ano. Formou parte da xunta do Museo Provincial de Lugo.

Ao producirse o golpe de Estado do 18 de xullo de 1936 foi sancionado cunha multa de 25.000 pesetas e confinado primeiro en Palencia en decembro de 1937 e despois en Castropol (de marzo de 1938 a marzo de 1939). Foille levantada a sanción logo de atender varios feridos a conta do sanatorio Pimentel e doar cantidades superiores a 39.000 pesetas para o Exército e milicias e o primeiro piso da súa casa para Secretaría de Falange. En 1940 foi expedientado por responsabilidades políticas e sancionado co pago de 100 pesetas.[2]


Predecesor:
José Cobreros de la Barrera
  
Alcalde de Lugo
 
1934
Sucesor:
Camilo López Pardo

Vida persoalEditar

Casou en xaneiro de 1935 con Carmen Llamas Montero,[3] que finou en 1979,[4] e foi pai de Carlos, Germán, Felipe e Isabel Vázquez-Pimentel Llamas.

NotasEditar

  1. Necrolóxica en La Voz de Galicia, 24-3-1984, p. 42.
  2. 80 aniversario do Museo Provincial de Lugo. Crónica dun acto
  3. La Voz de Galicia, 27-1-1935, p. 8.
  4. La Voz de Galicia, 25-1-1979, p. 49.

Véxase taménEditar

BibliografíaEditar

Ligazóns externasEditar