Carlos Ulloa Varela
Carlos Ulloa Varela, nado en Pontevedra en febreiro de 1849 e finado en Lugo en febreiro de 1887, foi un cantante galego.[1]
| Biografía | |
|---|---|
| Nacemento | febreiro de 1849  Pontevedra, España |
| Morte | febreiro de 1887 (37/38 anos) Lugo, España |
| Datos persoais | |
| País de nacionalidade | España |
| Actividade | |
| Ocupación | cantante |
| Lingua | Lingua castelá |
| Tesitura | Baixo |
| Instrumento | Voz |
Traxectoria editar
Ós quince anos comezou a súa carreira artística en Pontevedra interpretando as zarzuelas El valle de Andorra e El grumete.[1] En 1866 obtivo a praza de baixo na catedral de Santiago de Compostela, pero pouco despois marchou estudar a Madrid. En 1873 viaxou a Milán para perfeccionar os seus coñecementos e debutou en Florencia, na ópera L'africana (Giacomo Meyerbeer) interpretando o papel de don Pedro xunto ó gran Massini. Tamén cantou en Milán o Moisés de Rossini, con éxito. Logo disto actuou tamén no resto de teatros importantes de Italia.[1]
No marco da viaxe que fixo a América en 1878, inaugurou na Habana o Teatro Payret. Regresou despois a Milán e Venecia, e obtivo un gran recoñecemento en Nápoles pola súa interpretación de Mefistófeles de Fausto, e tamén tivo grande éxito en Catania.[1]
Volveu de novo a España e percorreu os teatros máis importantes, pasando dúas temporadas en Madrid e facendo varias representacións en Galicia.[1]
Destacou especialmente nas óperas máis importantes da súa época, como Norma, La africana, Hernani, Hugonotes, Moisés, El profeta, Lucrecia Borgia, Roberto el Diablo, Il barbiere di Siviglia e Fausto.