Abrir o menú principal

Uri (en alemán Kanton Uri) é un dos 26 cantóns de Suíza. O alemán é a lingua oficial. A capital é Altdorf. A súa poboación rolda os 35.000 habitantes, dos cales 3.046 (8, 7%) son estranxeiros. A lenda de Guillerme Tell ten a súa orixe neste cantón.

Uri
Bandeira de Uri
Escudo de Uri
BandeiraEscudo
Switzerland Locator Map UR.svg
EstadoSuíza Suíza
CapitalAltdorf
 • Poboación8.577 (2007)
Lingua oficialAlemán
Forma de gobernoCantón
Ingreso1291
SuperficiePosto 11º
 • Total1.077 km²
 • % augan/d
Costas0 km
PoboaciónPosto 25º
 • Total34.989 hab.
 • Densidade32 hab./km²
Fuso horarioUTC+1
 • Horario de veránUTC+2
Dominio de Internet.ch
Código ISOCH-UR

XeografíaEditar

O seu territorio comprende o val do río Reuss, que se estende desde o lago dos Catro Cantóns, ao norte, ata o paso de San Gotardo ao sur, na vertente norte dos Alpes suízos. Ten 1.077 km². Só a metade do territorio considérase terra produtiva, xa que os bosques cobren unha considerable parte e os glaciares supoñen un 20 % do mesmo. O punto máis alto do cantón é o Dammastock, a 3.630 m de altitude, situado ao norte do porto de Furka ou Furkapass.

O cantón de Uri limita, ao norte, co cantón de Schwyz; ao sur, cos cantóns de Tesino e Valais; ao leste, cos cantones de Berna, Obwalden e Nidwalden; e ao oeste, cos cantóns de Grisones e de Glaris.

DemografíaEditar

A poboación fala maioritariamente alemán e practica a relixión católica (o 86 %, fronte ao 6 % de protestantes).

HistoriaEditar

Uri foi mencionado por primeira vez en 732 como pertencente ao abade de Reichenau. En 853 foi entregado ao convento de Zürich por Luís o Xermánico.

Crese que o nome Uri deriva da antiga palabra alemá Auroch, que significa uro, boi salvaxe. Isto baséase en que o escudo da rexión ten unha cabeza de touro.

En 1243 a rexión tivo un selo común. En 1274 o poderoso Rodolfo de Habsburgo recoñeceu estes privilexios. Uri foi un dos tres cantóns suízos orixinais, trala firma do Pacto Federal de 1291 (Bundesbrief). En 1386 Uri participou na vitoria sobre os austríacos en Sempach, obtendo como recompensa as terras de Urseren en 1410.