Canle do Iucatán

A canle do Iucatán (en castelán: Canal de Yucatán) é un estreito situado entre México e Cuba. Conecta a baía do Iucatán no mar Caribe co golfo de México. Ten algo máis de 200 km de largo e case 2800 m de profundidade no seu punto máis fondo preto da costa cubana.

Canle do Iucatán
Canal de Yucatán
Bay of Honduras.jpg
Localización administrativa
EstadoFlag of Mexico.svg México
Flag of Cuba.svg Cuba
Localización xeográfica
Coordenadas21°34′42″N 85°54′27″O / 21.57833, -85.90750Coordenadas: 21°34′42″N 85°54′27″O / 21.57833, -85.90750
Xeografía
Mares contiguosMar Caribe e golfo de México
Características
Anchura máxima217 km
Profundiade máxima2779 m

CorrentesEditar

A canle do Iucatán separa Cuba da península do Iucatán en México e une o mar Caribe co golfo de México. O estreito mide 217 km entre o cabo Catoche en México e o cabo San Antonio en Cuba.[1] Ten unha profundidade máxima preto da costa cubana de 2779 m.[2] A auga flúe a través do mar Caribe do leste ao oeste. Este fluxo consiste en 5 Sv de auga da corrente ecuatorial norte que vai a través do paso dos Ventos e 12 Sv de auga da corrente ecuatorial sur que vi a través da costa do Brasil. O fluxo total é duns 17 Sv a unha temperatura de polo menos 17 °C. Cando a auga supera a península do Iucatán recibe o nome de corrente do Iucatán.[3] Esta corrente proporciona a maior parte da auga interior do golfo de México, xa que a cantidade que entra a través dos estreitos de Florida é pequena e intermitente.[4] A corrente do Iucatán flúe con forza na parte occidental da canle mentre que as contracorrentes cubanas flúen en sentido contrario na parte máis oriental. Baixo a corrente do Iucatán, hai unha corrente submarina cara ao sur que toma auga dende o golfo de México.[4]

Arrecifes de coralEditar

Cando a auga que flúe a través da canle do Iucatán entre no golfo de México, pasa sobre o banco de Campeche, unha área pouco fonda. Alí hai arrecifes de coral sobre as marxes exteriores da plataforma do Iucatán a uns 100 km da beira. Os principais corais que os forman son Acropora cervicornis, Acropora palmata e Montastraea annularis e a finais da década de 1990 moitos morreron. Dende entón realizáronse algunhas repoboacións.[5] O banco de Campeche é unha zona de gran biodiversidade, e aí e noutras parte da canle lévase a cabo moita pesca por parte de pescadores artesáns que converxen na zona dende a costa de México. A área está ameazada pola sobreexplotación.[6]

NotasEditar

  1. Britannica
  2. Free Dictionary
  3. Gyory, Joanna; Mariano, Arthur J.; Ryan, Edward H. "The Caribbean Current". Ocean surface currents. Consultado o 2013-08-31. 
  4. 4,0 4,1 Gyory, Joanna; Mariano, Arthur J.; Ryan, Edward H. "The Yucatan Current". Ocean surface currents. Consultado o 2013-08-31. 
  5. Cortés, J. (ed.) (2003). Latin American Coral Reefs. Gulf Professional Publishing. pp. 134–147. ISBN 9780080535395. 
  6. Jord, E. "Mexico". Reefs at Risk in the Caribbean. World Resources Institute. Consultado o 2013-08-31.