Abrir o menú principal

Candidatura de Madrid aos Xogos Olímpicos de 2012

Logotipo da candidatura
Slogan da candidatura

Madrid 2012 foi unha das cinco candidaturas olímpicas clasificadas para os Xogos Olímpicos de 2012.

Logo dos Xogos de Barcelona de 1992, Sevilla presentou a súa candidatura para os Xogos de 2004 e os de 2008, aínda que non logrou pasar do primeiro corte en ningunha das dúas ocasións. Intentaría, pois, presentarse aos de 2012 aínda que Madrid entón entrou a poxar pola convocatoria, e ao soamente poder presentarse unha cidade por país ante o COI, Madrid foi escollida como sede española.

Para os Xogos de 2012, Madrid e Nova York foron as dúas únicas cidades candidatas que nunca antes celebraran os Xogos. A véspera do día da votación, celebrada o 5 de xuño de 2005 no centro de Madrid, incluíu no seu programa o paseo da bandeira máis longa do mundo polas rúas de Madrid así como unha actuación da cantante Shakira. A celebración concluíu cun espectáculo de fogos artificiais. O lema oficial da candidatura era Preparados para ti.

A candidatura de Madrid foi eliminada na terceira rolda das votacións para seleccionar a cidade anfitrioa na 117ª sesión do COI, o 6 de xuño de 2005 en Singapur.

O xoves 6 de xullo de 2006, o alcalde de Madrid Alberto Ruiz-Gallardón anunciou a candidatura da cidade de Madrid para os Xogos Olímpicos de 2016.[1]

Informe de avaliación do COIEditar

A candidatura obtivo a segunda nota máis alta (un 8,3) no informe do COI, só por detrás de París, clasificándose primeira en seis categorías. A súa avaliación foi favorable na súa maioría:

  • Apoio gobernamental: 5,3
  • Infraestruturas: 8,5
  • Instalacións: 8,7
  • Vila Olímpica: 8,7
  • Medio Ambiente: 12,7
  • Aloxamento: 8,4
  • Transporte: 9,0
  • Seguridade: 7,4
  • Experiencia deportiva: 7,4
  • Financiamento: 4,0
  • Proxecto Global e Legado: 9,0

NotasEditar

Véxase taménEditar