Caión, A Laracha
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xullo de 2016.) |
Santa María do Socorro de Caión[1] é unha parroquia que se localiza no norte do concello da Laracha na comarca de Bergantiños. Segundo o IGE en 2018 tiña 821 habitantes (412 mulleres e 409 homes) distribuídos en 6 entidades de poboación, o que supón unha diminución con relación ao ano 1999 cando tiña 981 habitantes.
| Caión | |
|---|---|
.jpg) A vila mariñeira de Caión | |
| Concello | A Laracha[1] |
| Provincia | A Coruña |
| Coordenadas | 43°19′10″N 8°36′21″O / 43.31944444, -8.60583333 |
| Área | 4,75 km² |
| Poboación | 821 hab. (2018) |
| Densidade | 172,84 hab./km² |
| Entidades de poboación | 9[1] |
| [ editar datos en Wikidata ] | |
Xeografía
editarA parroquia de Caión limita con Arteixo polo leste e con Carballo polo oeste. Está, xa que logo, illada do resto do concello da Laracha mais non chega a constituír un exclave, por mor dun estreito corredor de 900 metros de longo e 6 de ancho que a conecta coa parroquia de Lendo e polo que pasaba un camiño.[2]
Patrimonio
editarCaión contaba cun porto baleeiro, que aparece mencionado na Descripción del Reyno de Galicia do Licenciado Molina (século XVI).
Arquitectonicamente destacan a recentemente rehabilitada Casa dos Condes de Graxal[3] e, na mesma praza principal, a igrexa parroquial de Nosa Señora do Socorro. Anexo ao templo está o antigo convento da Orde de Santo Agostiño, fundado en 1548 por Fernando Bermúdez de Castro e que dende o século XVIII funcionou como casa reitoral. Hoxe en día acolle un local para a terceira idade e unha oficina de información e turismo[4].
Fóra da vila, no lugar do Outeiro onde xacando estivo unha primitiva capela románica, queda o santuario dos Milagres, construído durante o primeiro terzo do século XIX e que funcionou como igrexa parroquial ata 1955[5].
Galería de imaxes
editar-
A lúa sobre Caión. -
Barcos pesqueiros en terra. -
-
-
Porto de Caión
Lugares e parroquias
editarLugares de Caión
editar| Lugares da parroquia de Caión no concello da Laracha (A Coruña) | |
|---|---|
|
Alvite | Caión | O Campo da Costa | Cima de Vila | Goxán | O Outeiro | O Pazo | A Pedreira | Xermaña |
Parroquias da Laracha
editarNotas
editar- ↑ 1,0 1,1 1,2 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ "A Laracha tiene mar por un camino de un kilómetro y 6 metros de ancho". La Voz de Galicia (en castelán). 2020-11-22. Consultado o 2021-04-04.
- ↑ "Pazo dos Condes de Graxal | Ezcurra e Ouzande arquitectura". ezcurraouzande.com. 2011-09-01. Consultado o 2020-09-26.
- ↑ "Turismo de Galicia. Reitoral de Caión".
- ↑ IP, Proyectos. "CAION (La Coruña)". Pueblos de España (en castelán). Consultado o 2020-09-26.
Véxase tamén
editarBibliografía
editar- De Caión a Razo. Andando por Bergantiños. Instituto de Estudos Bergantiñáns. 2007.