Caetano Horta
Caetano Xosé Horta Pombo, nado na Barquiña (Barro, Noia) o 15 de xaneiro de 2003, é un deportista galego. Compite en remo, deporte ao que se dedica despois de que abandonase unha prometedora carreira no motocrós.
| Nome orixinal | Caetano Xosé Horta Pombo |
|---|---|
| Biografía | |
| Nacemento | 15 de xaneiro de 2003 (21 anos) A Barquiña (Barro, Noia) |
| Datos persoais | |
| País de nacionalidade |  Galicia |
| Actividade | |
| Ocupación | remeiro  |
| Nacionalidade deportiva | España |
| Deporte | Remo, motocrós |
| Participou en | |
| xullo de 2021 | Remo nos Jogos Olímpicos de Verão de 2020 - Skiff duplo leve masculino (pt)  (7º) |
Gañou unha medalla de ouro no Campionato de Europa Xuvenil de Remo de 2020, na proba de dobre scull.[1] Participou nos Xogos Olímpicos de Toquio 2020, na proba de dobre scull lixeiro (LM2x).[2]
Traxectoria editar
Aos 3 anos comezou a andar en moto e aos 6 a competir en motociclismo, por influencia de seu pai Antón, afeccionado ao motociclismo e que competira anos antes no campionato galego de enduro.[3] Primeiro correu en motociclismo de velocidade, pasando logo ao motocrós. Formou parte do Motoclub Os Saltóns de Noia e competiu no Campionato de Galicia de motocrós e tamén no de supercrós, logrando bos resultados.[4]
En 2011 acabou cuarto na categoría alevín tanto no campionato de motocrós como no de supercrós, mentres que no 2012 foi terceiro en motocrós e subcampión de supercrós. Ao ano seguinte acabou quinto no campionato de motocrós de 65cc, e en 2014 proclamouse campión de 85cc.[5][6] En 2017 foi subcampión galego de 125 cc.[7] Ademais competiu tamén no Campionato de España.[6][8]
Paralelamente ao motocicismo, aos 9 anos empezou a practicar tamén remo, dentro do Club do Mar Noia, onde seu tío Benito Horta era adestrador.[9][10] Inicialmente entrou no remo para fortalecer o seu físico para a moto e compaxinou durante un tempo ambos deportes,[11] pero finalmente tivo que decidir entre un dos dous, decántandose polo remo, a pesar da súa prometedora carreira sobre as dúas rodas.[10][6] Comezou a gañar competicións en categorías inferiores, tanto autonómicas como nacionais, e en 2017 entrou no Centro Galego de Tecnificación Deportiva de Pontevedra.[12]
En 2019 disputou en Toquio o Mundial júnior, logrando unha quinta praza,[10] e ao ano seguinte en Belgrado proclamouse campión de Europa júnior xunto ao sevillano Pablo Moreno, na categoría dobre scull.[13] En 2021 gañou o Campionato de España xuvenil skiff de longa distancia, cunha asoballante diferenza sobre os seus rivais.[10]
En febreiro de 2021, o moañés Rodrigo Conde renunciou á praza que tiña gañada para acudir xunto a Manel Balastegui aos Xogos Olímpicos de Toquio, na proba de dobre scull lixeiro, polo que Caetano Horta se converteu en aspirante a substituílo. En abril disputou xunto a Balastegui en Varese o Campionato de Europa, sendo a súa primeira competición absoluta, acabando na sétima praza e logrando así o billete olímpico.[14] Xa en Toquio, rematou a súa quenda na cuarta posición de seis embarcacións, fóra dos dous primeiros postos que daban o acceso directo ás semifinais. Na repesca conseguiu o segundo posto e o pase ás semifinais.[15] Nestas obtivo un quinto posto, quedando así fóra da final, á que só accedían as tres primeiras embarcacións de cada semifinal.[16]
Notas editar
- ↑ «Caetano Horta se proclama campeón de Europa juvenil». Faro de Vigo, 29 de setembro de 2020.
- ↑ «Balastegui-Horta, dupla española en Tokio en doble scull ligero». Mundo Deportivo, 12 de abril de 2021.
- ↑ Gerpe, A. (8 de agosto de 2010). "Unha familia a toda velocidade". La Voz de Galicia (en castelán). Consultado o 23 de xullo de 2021.
- ↑ "Campionato de Galicia de Motocrós de 2013" (PDF). fedemoto.info. Arquivado dende o orixinal (PDF) o 23 de xullo de 2021. Consultado o 23 de xullo de 2021.
- ↑ "Campionatos galegos de motocrós 2011-2015" (PDF). fedemoto.info. Arquivado dende o orixinal (PDF) o 04 de xuño de 2020. Consultado o 23 de xullo de 2021.
- ↑ 6,0 6,1 6,2 Sevilla, Álvaro (17 de marzo de 2016). "Besando el cielo sobre dos ruedas". La Voz de Galicia (en castelán). Consultado o 23 de xullo de 2021.
- ↑ "Campionatos galegos de motocrós 2017" (PDF). fedemoto.info. Arquivado dende o orixinal (PDF) o 23 de xullo de 2021. Consultado o 23 de xullo de 2021.
- ↑ "Román Pérez se adjudicó el VI Supercross Nocturno de Monzón" (en castelán). 24 de agosto de 2012. Consultado o 23 de xullo de 2021.
- ↑ Otero, Manu (17 de abril de 2021). "Caetano Horta, remero del CGTD: de la selectividad a Tokio 2021". Pontevedra Viva (en castelán). Consultado o 23 de xullo de 2021.
- ↑ 10,0 10,1 10,2 10,3 Brea, Fran (11 de abril de 2021). "El remero noiés Caetano Horta estará en los Juegos Olímpicos de Tokio". La Voz de Galicia (en castelán). Consultado o 23 de xullo de 2021.
- ↑ Parada, A. (12 de xaneiro de 2020). "Caetano Horta: O noiés que boga cara o cume do remo olímpico". La Voz de Galicia (en castelán). Consultado o 23 de xullo de 2021.
- ↑ Brea, Fran (30 de xaneiro de 2018). "Caetano Horta: Una joven promesa del remo bañada en oro". La Voz de Galicia (en castelán). Consultado o 23 de xullo de 2021.
- ↑ "Caetano Horta se proclama campeón de Europa juvenil". Faro de Vigo (en castelán). 29 de setembro de 2020. Consultado o 23 de xullo de 2021.
- ↑ "Caetano Horta, orgullo noiés en los Juegos Olímpicos de Tokio". El Correo Gallego (en castelán). 12 de abril de 2021. Consultado o 23 de xullo de 2021.
- ↑ "O dobre scull de Caetano Horta métese nas semifinais". CRTVG. 25 de xullo de 2021. Consultado o 26 de xullo de 2021.
- ↑ Espiño, Diego (28 de xullo de 2021). "Caetano Horta, á final B no dobre scull lixeiro de remo". Pontevedra Viva. Consultado o 28 de xullo de 2021.