Cabalo de Troia

O cabalo de Troia é un enxeño descrito na obra de Homero A Odisea.

Cabalo de madeira usado na película Troia (2004).

A lendaEditar

As forzas gregas que asediaron Troia durante dez anos non puideron superar as altas murallas que a defendían. Tras tantos anos de guerra, Odiseo (chamado Ulises polos latinos), o máis astuto dos mortais, propúxolles aos xefes gregos construír un enorme cabalo de madeira cunha barriga onde caberán os máis valorosos heroes gregos. A frota grega retirouse á próxima illa de Ténedos, tras queimar o campamento para que os troianos o advertiran e saíran confiados ao campo. Un grego, finxíndose fuxitivo, quedaría fóra e contaríalles aos troianos que este cabalo estaba consagrado á deusa Atenea.

Os troianos, grandes crentes nos deuses, caeron no engano. Aceptaron o cabalo para ofrendalo aos deuses, ignorando que era unha trampa dos gregos para traspasar as súas murallas, que tiveron que derribar parcialmente dado o gran tamaño do mesmo. Dentro do cabalo escondíase un selecto grupo de soldados. Unha vez o cabalo dentro de Troia, os soldados ocultos nel abriron as portas da cidade, e tras isto invadiron, destruíron e queimaron Troia.

Este episodio é narrado n'A Odisea, o poema atribuido a Homero, que relata partes da Guerra de Troia segundo conta as aventuras do heroe grego Odiseo no seu regreso á súa patria, Ítaca. E tamén alude a el Virxilio na Eneida.


 
 Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.