Factor estimulante de colonias de macrófagos

(Redirección desde «CSF1»)
PDB 1hmc
Factor estimulante de colonias 1 (macrófago)
Identificadores
Símbolo MCSF
Símbolos alt. CSF1 ; CSF-1; M-CSF
Entrez 1435
OMIM

120420

RefSeq NP_000748
UniProt P09603
Outros datos
Locus Cr. 1 :(110.45 – 110.47 Mb)

O factor estimulante de colonias de macrófagos (M-CSF, do inglés Macrophague colony-stimulating factor), tamén chamado factor estimulante de colonias 1 (CSF1), é unha citocina segregada reguladora, que inflúe nas células nai hematopoéticas para que se diferencien en macrófagos ou outros tipos celulares relacionados. As células eucarióticas tamén producen o M-CSF para combater as infeccións virais intracelulares. Pode estar tamén implicado no desenvolvemento da placenta.[1] O M-CSF (ou CSF1) únese a un receptor da superficie celular chamado receptor do factor estimulante de colonias 1.

Estrutura editar

O M-CSF é unha citocina. A forma activa da proteína encóntrase extracelularmente como un homodímero unido por ponte disulfuro, e crese que se produce por clivaxe proteolítica de precursores unidos a membrana.[1]

Atopáronse catro variantes de transcrición do xene desta proteína, que codifican tres isoformas.[1]

Función editar

O M-CSF (ou CSF1) é un factor de crecemento hematopoético que está implicado na proliferación, diferenciación e supervivencia de monocitos, macrófagos, e células proxenitoras da medula ósea.[2] O M-CSF afecta a macrófagos e a monocitos de varios modos, incluíndo o estímulo do incremento da actividade quimiotáctica e fagocítica, e o incremento da citotoxicidade en células tumorais.[3] A función do M-CSF non está restrinxida á liñaxe celular de monocitos/macrófagos. Ao interaccionar co seu receptor de membrana (o CSF1R ou M-CSF-R codificado polo protooncoxene c-fms), o M-CSF tamén modula a proliferación de proxenitores hematopoéticos temperáns e inflúe en numerosos procesos fisiolóxicos implicados en inmunoloxía, metabolismo, fertilidade e embarazo.[4]

O M-CSF liberado polos osteoblastos (como resultado da estimulación endócrina pola hormona paratiroide) exerce efectos parácrinos sobre os osteoclastos. O M-CSF únese a receptores situados na superficie dos osteoclastos inducindo a diferenciación, e finalmente orixina o incremento no plasma dos niveis de calcio, por medio da resorción ósea. Adicionalmente, obsérvase un alto nivel de expresión de M-CSF (ou CSF1) no epitelio endometrial do útero grávido, e tamén un alto nivel do seu receptor CSF1R no trofoblasto placentario. A activación do CSF1R trofoblástico por niveis locais altos de M-CSF (ou CSF1) é esencial para a implantación normal do embrión e o desenvolvemento placentario. Máis recentemente, descubriuse que este factor proteico e o seu receptor están implicados no desenvolvemento normal e no crecemento neoplásico da glándula mamaria.[5]

Importancia clínica editar

O M-CSF producido localmente na parede dos vasos sanguíneos contribúe ao desenvolvemento e progresión da aterosclerose.[6]

Ademais, o M-CSF xoga un papel na activación crónica de monocitos, a cal orixina moitas anormalidades metabólicas, hematolóxicas e inmunolóxicas en pacientes con insuficiencia renal crónica.[7]

Interacción editar

O M-CSF presenta interaccións con PIK3R2.[8]

Notas editar

  1. 1,0 1,1 1,2 "Entrez Gene: CSF1 colony stimulating factor 1 (macrophage)". 
  2. Stanley ER, Berg KL, Einstein DB, Lee PS, Pixley FJ, Wang Y, Yeung YG (January 1997). "Biology and action of colony--stimulating factor-1". Mol. Reprod. Dev. 46 (1): 4–10. PMID 8981357. doi:10.1002/(SICI)1098-2795(199701)46:1<4::AID-MRD2>3.0.CO;2-V. 
  3. Nemunaitis J (April 1993). "Macrophage function activating cytokines: potential clinical application". Crit. Rev. Oncol. Hematol. 14 (2): 153–71. PMID 8357512. doi:10.1016/1040-8428(93)90022-V. 
  4. Fixe P, Praloran V (June 1997). "Macrophage colony-stimulating-factor (M-CSF or CSF-1) and its receptor: structure-function relationships". Eur. Cytokine Netw. 8 (2): 125–36. PMID 9262961. 
  5. Sapi E (January 2004). "The role of CSF-1 in normal physiology of mammary gland and breast cancer: an update". Exp. Biol. Med. (Maywood) 229 (1): 1–11. PMID 14709771. 
  6. Rajavashisth T, Qiao JH, Tripathi S, Tripathi J, Mishra N, Hua M, Wang XP, Loussararian A, Clinton S, Libby P, Lusis A (June 1998). "Heterozygous osteopetrotic (op) mutation reduces atherosclerosis in LDL receptor- deficient mice". J. Clin. Invest. 101 (12): 2702–10. PMC 508861. PMID 9637704. doi:10.1172/JCI119891. 
  7. Le Meur Y., Fixe P., Aldigier J-C., Leroux-Robert C. and Praloran V. (April 1996). "Macrophage colony stimulating factor involvement in uremic patients". Kidney International 50 (196): 1107–1102. doi:10.1038/ki.1996.402. 
  8. Gout I, Dhand R, Panayotou G, Fry MJ, Hiles I, Otsu M, Waterfield MD (December 1992). "Expression and characterization of the p85 subunit of the phosphatidylinositol 3-kinase complex and a related p85 beta protein by using the baculovirus expression system". Biochem. J. 288 (2): 395–405. PMC 1132024. PMID 1334406. 

Véxase tamén editar

Bibliografía editar

Outros artigos editar

Ligazóns externas editar