Círculo Popular de La Felguera
O Círculo Popular de La Felguera foi un club de fútbol español con sede en La Felguera, Asturias. Fundado en 1918, xogaba os seus partidos como local no Estadio La Barraca, e existiu ata 1961, cando se fusionou co Racing de Sama para dar lugar á Unión Popular de Langreo. Chegou a militar cinco tempadas na Segunda División, entre 1953 e 1958.
| Nome | Círculo Popular de La Felguera | |
|---|---|---|
| Fundación | 1918 | |
| Desaparición | 1961 | |
| Estadio | La Barraca | |
| Capacidade | 5.000 | |
| ||
Historia
editarFoi fundado en 1918 en La Felguera, Asturias, como unha asociación de carácter cultural e deportivo co nome de Círculo Popular de La Felguera.[1] Anteriormente existía xa na vila outro equipo de fútbol, o Atlético Felguerino, e varios dos xogadores deste pasaron a formar parte do Círculo Popular. O equipo militou nas categorías rexionais ata 1943, cando logrou o ascenso á Terceira División.[1] Tres anos despois proclamouse campión do seu grupo, accedendo así á segunda fase da competición, onde foi segundo por detrás do Barakaldo, perdendo as opcións de ascenso.[2] Continuou na categoría de bronce ata a tempada 1952/53, cando se proclamou campión do Grupo I por diante da Cultural Leonesa e a Ponferradina, conseguindo o ascenso directo á Segunda División.[3] Nese momento o club cambiou de nome, pasando a chamarse La Felguera Siderúrgica Círculo Popular.[1]
Na súa estrea na categoría de prata o equipo acabou 13º, tendo que xogar a continuación unha promoción de permanencia, encadrado nun grupo coa Ponferradina, o Caudal, o Huesca e o Girona. Conseguiu catro vitorias e un empate en oito partidos, logrando así manter a categoría xunto co Caudal.[4] Na seguinte campaña, con Jesús Barrio como adestrador, o CP La Felguera obtivo o mellor resultado da súa historia, acadando a sétima posición da Segunda División.[5] Militou durante tres tempadas máis na categoría, ata que finalmente acabou descendendo na 1957/58, tras quedar último.[6] Durante eses anos pasaron polo club xogadores como Francisco Irureta, Perfecto Gastón, Lucio, Herrero ou os galegos Martín Esperanza, Basteiro, Juananco e Chas.[7][8]
Xogou tres tempadas máis na Terceira División, proclamándose dúas veces campión e outra subcampión, pero sen conseguir ascender de novo a Segundo, ao quedar eliminado nas promocións de ascenso sucesivamente contra Getxo, Salamanca e Albacete. Finalmente, en 1961 fusionouse co Racing de Sama, dando lugar á Unión Popular de Langreo.[1]
Estadio
editarO equipo xogaba os seus partidos como local no estadio La Barraca, situado en La Felguera.
Traxectoria
editar- Tempadas en 1ª: 0
- Tempadas en 2ª: 5
- Tempadas en 3ª: 13
- Participacións na Copa do Rei: 3 (1943/44, 1947/48, 1948/49)
- Mellor posto na liga: 7º na Segunda División (1954/55)
- Peor posto na liga: 6º na Primeira Rexional (1939/40)
Historial
editar
|
|
Palmarés
editar- Terceira División (4): 1945/46, 1952/53, 1958/59, 1960/61.
Notas
editar- ↑ 1,0 1,1 1,2 1,3 Lozano, Carles (1 de febreiro de 2021). "Índice de equipos 1928-2021. (X: Asturias)". Cuadernos de Fútbol (en castelán) (128). ISSN 1989-6379. Consultado o 24 de marzo de 2022.[Ligazón morta]
- ↑ "Temporada 1945-1946". Arquivado dende o orixinal o 29 de maio de 2010. Consultado o 24 de marzo de 2022.
- ↑ "Temporada 1952-1953" (en castelán). Arquivado dende o orixinal o 29 de maio de 2010. Consultado o 24 de marzo de 2022.
- ↑ "Promoción permanencia en 2ª 1953-54". BDFutbol (en castelán). Consultado o 24 de marzo de 2022.
- ↑ "2ª División Grupo 1 1954-55". BDFutbol (en castelán). Consultado o 24 de marzo de 2022.
- ↑ "2ª División Grupo 1 1957-58". BDFutbol (en castelán). Consultado o 24 de marzo de 2022.
- ↑ "Juananco fichó por el Felguera". La Voz de Galicia (en castelán). 5 de novembro de 1959. p. 5.
- ↑ "Xogadores do La Felguera". BDFutbol (en castelán). Consultado o 24 de marzo de 2022.