Cándido Hermida
Coordenadas: 43°32′15″N 8°11′49″O / 43.53763, -8.19703
Cándido Hermida é unha empresa galega da madeira xurdida en 1984 en Valdoviño, actualmente ten a súa sede no Polígono industrial Río do Pozo, Narón.
| Cándido Hermida | |
|---|---|
 Sede de Cándido Herminda en Río do Pozo. | |
| Tipo | Sociedade Limitada |
| Fundación | 1984 |
| Localización | Polígono Río do Pozo, Avda. Bernardo Romero. parcela G.2 sector 3. 15578 Narón A Coruña  Galicia |
| Fundador | Cándido Hermida |
| Industria | Madeira |
| Produtos | Mobles |
| Beneficio | 54 millóns de euros[1] |
| Número de empregados | 500[1] |
| [ editar datos en Wikidata ] | |
As orixes da empresa están nun pequeno obradoiro de carpintaría artesán. En 1991 a empresa comezou a traballar para Inditex. A empresa ten feito traballos para marcas como Guess, Loewe, Michael Korrs, Bimba y Lola, Mango ou a xoiaría Tiffany. A empresa fai mobles de deseño por encargo e mobiliario para iates.
Historia editar
Cándido Hermida, nado en 1939 en Ferreira (San Sadurniño). Traballou de labrego ata os 17 anos que marchou a Ferrol onde traballou de carpinteiro ata que pechou a empresa, tiña entón 45 anos. Aos 15 días fíxose autónomo e comezou a traballar de contratista en obras. En 1991 Inditex fíxolle un pedido de mostradores para as tendas. No primeiro ano traballando para Inditex venderon 80 millóns de pesetas. En 2017 a empresa vende 58 millóns de euros, e con Inditex entre 31 e 32.[2]
A empresa ten certificacións ISO 9001, ISO 14001, OHSAS 18001 e FSC.
Estrutura editar
O grupo Cándido Hermida está formado por[3]:
- Induca, carpintaría e ebanistería
- Juca, construción
- Inmega, carpintaría metálica
- Innaval, sector naval
- Loira, instalacións comerciais
Principais traballos editar
- Tendas para Carolina Herrera, Michael Kors, Purificación García, Bimba y Lola.
- Habitacións das cadeas de hoteis Westin, AC e Intercontinental.[4]
- Mobiliario das principais tendas de Inditex.
- 10 vagóns do AVE á Meca para a familia real saudita.
- Salóns do transatlántico Harmony of the Seas.
- Mobiliario para iates de luxo do estaleiro Sunseeker.
- Museo Nacional de Qatar, en Doha.
- Al Noor Island, complexo turístico en Sharjah (Emiratos Árabes).
Accidente laboral editar
En 2016 morreu un traballador da empresa Castiñeira de la Fuente ao caer dende o tellado da nave de Cándido Hermida, en Loira cando estaba a realizar tarefas de mantemento.[5][6]
Recoñecementos editar
- Insignia de ouro da patronal Iniciativa Empresarial do Noroeste (IEN), 2016.[7]
Notas editar
- ↑ 1,0 1,1 http://www.laopinioncoruna.es/economia/2015/02/01/ebanista-corunes-maravilla-jeques/923418.html El ebanista coruñés que maravilla a los jeques laopinioncoruna.es
- ↑ Cándido Hermida: «Llevaba ocho años trabajando para Inditex y no conocía a Amancio Ortega» lavozdegalicia.es
- ↑ "El sueño de un ebanista humilde elcorreogallego.es". Arquivado dende o orixinal o 05 de maio de 2015. Consultado o 04 de maio de 2015.
- ↑ El carpintero de Amancio Ortega que ha conquistado a la familia real saudí elconfidencial.com
- ↑ Fallece en Valdoviño en accidente laboral un trabajador de 22 años de edad diariodeferrol.com
- ↑ Los compañeros del aprendiz fallecido no sabían que había subido a la cubierta de la nave lavozdegalicia.es
- ↑ ALBERTO NÚÑEZ FEIJOO ENTREGARÁ LA INSIGNIA DE ORO DEL IEN POR EUROPA A CANDIDO HERMIDA