Wikipedia

Byrrhoidea

Byrrhoidea (birroideos) é unha superfamilia de escaravellos da infraorde Elateriformia[1] que inclúe varias familias que son acuáticas ou están asociadas a hábitats semiacuáticos. Á parte dos escaravellos acuáticos da superfamilia Hydrophiloidea, a maioría dos demais escaravellos Polyphaga que son acuáticos, pertencen a esta familia.

Descrición editar

Os adultos de moitos Byrrhoidea teñen ollos de exocono (con lentes corneanas expandidas). A beira anterior do escudo escutelar elévase abruptamente (excepto en Psephenidae e Cneoglossidae). Varios birroideos teñen as tres primeiras ventritas abdominais solidamente fusionadas entre si.[2]

As larvas da maioría dos Limnichidae teñen un par de ganchos anais no 10º segmento abdominal, mentres que Cneoglossidae e Ptilodactylidae teñen tres ou máis ganchos a cada lado deste segmento. As larvas de Lutrochidae e Elmidae, así como o xénero de limníquidos Hyphalus, teñen copetes branquiais anais. Case todas as larvas birroides teñen espiráculos abdominais anteriores que son biforos (ou bilabiados).[2]

O grao de desenvolvemento alar varía entre os Byrrhoidea, polo que podemos atopar na superfamilia macropteria (ás totalmente desenvolvidas), braquipteria (ás reducidas), micropteria (ás reducidas a pequenas vestixios) e apteria (sen ás). Na familia Elmidae, a subfamilia Larainae ten só ás macrópteras, mentres que outros tipos alares son comúns na subfamilia Elminae. Dentro da familia Dryopidae, os xéneros con adultos acuáticos ou semiacuáticos son case sempre macrópteros, mentres que os xéneros con adultos terrestres son casxe sempre ápteros e o xénero subterráneo Stygoparnus é micróptero.[3]

Ecoloxía editar

Os Byrrhoidea viven principalmente en hábitats acuáticos e semiacuáticos, como correntes frías rápidas, baiixo rochas e troncos en fluxos de auga, vexetación das ribeiras e rochas, vexetación emerxente da auga, solos húmidos e costas areentas.[4][5][6][7][8] Os Dryopidae son notables porque aínda que os adultos viven na auga ou preto dela, as larvas adoitan ser terrestres.[5]

Os Byrrhoidea son xeralmente herbívoros, alimentándose de algas, musgos, hepáticas, liques ou raíces de herbas.[4][5][6][7][8]

Filoxenia editar

Os Byrrhoidea no seu estado actual poderían non ser monofiléticos.[9] Atopouse en múltiples estudos que os Buprestoidea deberían aniñarse dentro deles.[2][10] Filoxenias recentes separaron o grupo Dryopoidea, incluíndo Dryopidae, Elmidae, Limnichidae, Heteroceridae, Chelonariidae, Eulichadidae, Callirphidae, Ptilodactylidae e a familia extinguida Mastigocoleidae.[11][12], e algunhas filoxenias consideran que o grupo está máis estreitamente relacionado con Elateroidea que con Byrhhidae.[12]

Notas editar

  1. ↑ Kundrata, Robin; Bocakova, Milada; Bocak, Ladislav (xullo de 2014). "The comprehensive phylogeny of the superfamily Elateroidea (Coleoptera: Elateriformia)". Molecular Phylogenetics and Evolution 76: 162–171. doi:10.1016/j.ympev.2014.03.012. 
  2. ↑ 2,0 2,1 2,2 Lawrence, John F.; Ślipiński, Adam; Seago, Ainsley E.; Thayer, Margaret K.; Newton, Alfred F.; Marvaldi, Adriana E. (2011). "Phylogeny of the Coleoptera Based on Morphological Characters of Adults and Larvae". Annales Zoologici (en inglés) 61 (1): 1–217. ISSN 0003-4541. doi:10.3161/000345411X576725. 
  3. ↑ Shepard, William D. (2019-03-25). "Flight Wing Polymorphisms in Elmidae and Dryopidae (Coleoptera: Byrrhoidea)". The Coleopterists Bulletin 73 (1): 27. ISSN 0010-065X. doi:10.1649/0010-065X-73.1.27. 
  4. ↑ 4,0 4,1 "Family Byrrhidae - Pill Beetles". bugguide.net. Consultado o 2022-11-30. 
  5. ↑ 5,0 5,1 5,2 "Family Dryopidae - Long-toed Water Beetles". bugguide.net. Consultado o 2022-11-30. 
  6. ↑ 6,0 6,1 "Family Elmidae - Riffle Beetles". bugguide.net. Consultado o 2022-11-30. 
  7. ↑ 7,0 7,1 "Family Psephenidae - Water Penny Beetles". bugguide.net. Consultado o 2022-11-30. 
  8. ↑ 8,0 8,1 "Family Limnichidae - Minute Marsh-loving Beetles". bugguide.net. Consultado o 2022-11-30. 
  9. ↑ Beutel, Rolf G.; Leschen, Richard A.B., eds. (2016-03-21). 19. Byrrhoidea Latreille, 1804. Coleoptera, Beetles. Morphology and Systematics (De Gruyter). pp. 553–654. ISBN 978-3-11-037392-9. doi:10.1515/9783110373929-022. Consultado o 2022-11-29. 
  10. ↑ Kundrata, Robin; Jäch, Manfred A.; Bocak, Ladislav (2017). "Molecular phylogeny of the Byrrhoidea-Buprestoidea complex (Coleoptera, Elateriformia)". Zoologica Scripta (en inglés) 46 (2): 150–164. doi:10.1111/zsc.12196. 
  11. ↑ Tihelka, Erik; Jäch, Manfred A; Kundrata, Robin; Li, Yan-Da; Engel, Michael S; Lozano-Fernandez, Jesus; Huang, Diying; Cai, Chenyang (2022-05-01). Marvaldi, Adriana, ed. "Mastigocoleidae fam. nov., a New Mesozoic Beetle Family and the Early Evolution of Dryopoidea (Coleoptera)". Insect Systematics and Diversity (en inglés) 6 (3): 3. ISSN 2399-3421. doi:10.1093/isd/ixac011. 
  12. ↑ 12,0 12,1 Cai, Chenyang; Tihelka, Erik; Giacomelli, Mattia; Lawrence, John F.; Ślipiński, Adam; Kundrata, Robin; Yamamoto, Shûhei; Thayer, Margaret K.; Newton, Alfred F.; Leschen, Richard A. B.; Gimmel, Matthew L.; Lü, Liang; Engel, Michael S.; Bouchard, Patrice; Huang, Diying (23 de marzo de 2022). "Integrated phylogenomics and fossil data illuminate the evolution of beetles". Royal Society Open Science (en inglés) 9 (3): 211771. ISSN 2054-5703. PMC 8941382. PMID 35345430. doi:10.1098/rsos.211771. 

Véxase tamén editar

Traído desde «https://gl.wikipedia.org/w/index.php?title=Byrrhoidea&oldid=6282873»