Brandomil, Zas
San Pedro de Brandomil[1] é unha parroquia do concello de Zas, na comarca da Terra de Soneira, provincia da Coruña. Segundo o IGE en 2018 tiña 225 habitantes (129 mulleres e 96 homes), o que representa unha diminución con respecto o ano 1999. Ten sete entidades de poboación.
| Brandomil | |
|---|---|
_-_panoramio.jpg) | |
| Concello | Zas[1] |
| Provincia | A Coruña |
| Coordenadas | 43°00′36″N 8°55′36″O / 43.0099249, -8.9267745 |
| Poboación | 216 hab. (2019) |
| Entidades de poboación | 7[1] |
| [ editar datos en Wikidata ] | |
Historia
editarA aldea de Brandomil serviu ó poeta galego Eduardo Pondal para pórlle nome ó heroe celta que protagonizaba varios dos seus textos[2].
Xeografía
editarLinda coas parroquias de San Tirso de Muíño e Santa María de Brandoñas no propio concello de Zas, e con San Cosme de Antes, San Mamede de Alborés, e Santo Tomé dos Vaos no concello de Mazaricos.
Etimoloxía
editarO termo Brandomil pola súa terminación aparenta formar parte do conxunto de topónimos de orixe xermánica (sueva), aínda que Moralejo Lasso, Martínez Lema, Cabeza Quiles, Lema Suárez e Evaristo Domínguez apuntan a un hidrónimo Grandimirum/Glandomiron céltico indoeuropeo prelatino.[3]
Festas
editarNesta parroquia celébranse catro festas: santo Antonio o primeiro domingo de xuño, o patrón san Pedro o 29 de xuño, o Santísimo Sacramento o 30 de xuño e san Miguel o 29 de setembro.
Patrimonio
editarA ponte de Brandomil é do século XVI. As últimas teorías arqueolóxicas sitúan aquí o núcleo romano de Claudionerium [Cómpre referencia].
Lugares e parroquias
editarLugares de Brandomil
editar| Lugares da parroquia de Brandomil no concello de Zas (A Coruña) | |
|---|---|
|
Acalabanda | Brandomil | A Lagoa | Limideiro | Padreiro | Pudenza | Quintáns |
Parroquias de Zas
editarNotas
editar- ↑ 1,0 1,1 1,2 DECRETO 189/2003, do 6 de febreiro, polo que se aproba o nomenclátor correspondente ás entidades de poboación da provincia da Coruña.
- ↑ Pondal, E. (1886). Queixumes dos pinos.
- ↑ Parroquia de Brandomil no concello de Zas, por Evaristo Domínguez e Lema Suárez Arquivado 27 de maio de 2018 en Wayback Machine. (páxina 2)