Bosón de Arles
- Para persoas chamadas Bosón, consulte a páxina de homónimos Bosón.
Bosón de Arles ou Bosón I de Arles, nado en 885 e finado en 936, tamén chamado Bosón VI de Provenza, conde de Aviñón e Vaison (911-931), conde de Arles (926-931) e marqués de Toscana (931-936).
| Bosón de Arles | |
|---|---|
| Nacemento | 885 |
| Falecemento | 936 |
| Ocupación | gobernante |
| Pai | Teobaldo de Arles |
| Nai | Berta da Lotaríngia |
| Cónxuxe | Willa of Burgundy e Constança de Viena |
| Fillos | Willa of Tuscany, Berta de Arles e Robald de Arles |
| Irmáns | Teutberga de Arles, Ermengarda da Toscana, Hugo da Itália, Guido da Toscânia e Lambert da Toscana |
| Na rede | |
   | |
| [ editar datos en Wikidata ] | |
Era fillo de Teobaldo de Arles[1] e de Berta de Lotarinxia, filla ilexítima de Lotario II de Lotarinxia.
TraxectoriaEditar
En 926, sucedeu ao seu irmán Hugo de Arles como Conde de Arles cando este deixou Arles para ir a Italia. Bosón de Arles tamén se vai implicar en Italia e foi nomeado marqués de Toscana no 931 polo seu irmán despois da deposición de Lamberto de Toscana. En Provenza, Bosón foi entón substituído polo seu xenro, o marido da súa filla Berta e fillo de Ricardo o Xusticeiro, tamén chamado Bosón e coñecido como Bosón I (895-935).[2] Bosón de Arles tamén interveu en Lorena contra Henrique I de Alemaña.
Finalmente foi deposto e arrestado en 936.[3] e substituído por un fillo ilexítimo de Hugo: Huberto. De feito, Bosón de Arles foi probabelmente asasinado por orde do seu irmán Hugo. A instancias da súa muller Wila, tería intentado un golpe de estado contra Hugo.
XenealoxíaEditar
Dunha primeira muller non identificada, tería un fillo:
- Rotbaldo o Vello ou Rotboldo o Antigo (circa 907-936) que casou con Ermengarda de Aquitania, filla de Guillerme o Piadoso, e foi asasinado polo seu tío o rei Hugo en 936.
Casou despois con Willa de Borgoña, filla de Rodolfo I de Borgoña e Willa de Provenza. Desta unión naceron catro fillas[4]:
- Berta de Arles (antes de 912 - despois de 18 de agosto 965), condesa de Arles que casou probabelmente en 924 [5] con Bosón I (895-935)[6], fillo do duque de Borgoña, Ricardo o Xusticeiro. Bosón era abade laico da abadía de Saint-Pierre de Moyenmoutier e da abadía de Remiremont nos Vosges. Cando quedou viúva, Berta de Arles casou en 936 con Ramón II († 961 ), conde de Rouergue[7]. Tamén se di que acolleu ao seu tío Hugo de Arles en Arles en 947.
- Willa III (912-970), que foi raíña de Italia en 930 ao casar con Berengario II, rei de Italia .
- Riquilda.
- Xisela.
NotasEditar
- ↑ O pai de Bosón, Teobaldo de Arles (850-895), conde de Arles e Vienne, era o curmán de Bosón, rei de Borgoña Cisxurana de 879 a 887
- ↑ Para a discusión sobre este Bosón véxase Bosón II de Arles
- ↑ Frédéric de Gingins-La-Sarra - Mémoires pour servir à l'histoire des royaumes de Provence et de Bourgogne-Jurane - 1851, páxina 97, a
- ↑ "Bertam, Willam, Richildam et Gislam" son citadas (en orde) como as catro fillas de Bosón e Willa por Liutprando en os condes de Provenza
- ↑ As datas de 931 e 933 son ás veces avanzadas. Pero Berta estaba xa casada cando seu pai marchou a Italia en 931; a data de 924 é, xa que logo, máis probábel, malia a pouca idade da noiva
- ↑ A data de defunción deste Bosón é discutida
- ↑ Atópase tamén pola ligazón as datas de 935 e 940