Bos
| Bovininos Bovini Bois | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 Parella de gauros (Bos gaurus) | |||||||||||||||||||||||
| Clasificación científica | |||||||||||||||||||||||
| |||||||||||||||||||||||
| Especies | |||||||||||||||||||||||
Bos é un xénero de mamíferos artiodáctilos ruminantesda familia dos bóvidos, subfamilia dos bovinos e tribo dos bovininos, que comprende, para a maioría dos autores, seis especies denominadas xenericamente bois, entre as cales están tanto o gando doméstico (Bos primigenius ou Bos primigenius taurus, segundo os autores) como outras especies domésticas e salvaxes.
Certos autores diferenciaron varios xneros para as especies agrupadas en Bos (Bos, Bibos, Novibos e Poephagus), pero os estudos morfolóxicos e xenéticos non deron lugar aínda a un acordo ao respecto. A postura que recoñece como xénero único a Bos é, porén, a maioritaria.[3]
Aínda que ao longo da historia propuxéronse varias teorías no sentido de que varias especies de Bos deran lugar ao boi doméstico actual, hoxe prece que se pode afirmar que todas as razas descenden dun antepasado común, o uro (Bos primigenius), que persistiu nas chairas de Europa até o século XVII, no que se extinguiu debido á caza excesiva.
As especies actuais de Bos distribúense na maior parte do globo, abarcando África, América, Asia, Australia e Europa. Con ao redor de 1.300 millóns de cabezas, son un dos grupos de mamíferos máis populosos do planeta.
Historia natural editar
O hábitat das distintas especies varía amplamente, indo desde as praderías e bosques subtropicais até a alta montaña tibetana en que habita o iac (Bos grunniens).
As especies do xénero Bos forman mandas, cuxo tamaño oscila entre as decenas e as centenas de cabezas, que migran lentamente a medida que esgotan os pastos. As mandas non adoitan contar máis que cun macho adulto.
Son ruminantes, o que lles permite obter o máximo rendemiento dunha dieta de herbas rica en celulosa e pobre en nutrientes; a mayoría das especies pastan durante a maior parte do día, descansando durante os períodos máis calorosos, e durmindo pola noite.
A xestación dura entre nove e once meses, ao cabo dos cales nace unha ou, excepcionalmente, dúas crías.
Estes animais en estado salvaxe poden alcanzar os 25 anos.
Taxonomía editar
O xénero Bos foi decrito po primeira vez en 1758 polo naturalista sueco Linnaeus na 10ª edición do seu Systema Naturae.
Especies e subespecies editar
Na actualidade recoñécense nel as seguintes especies e subespecies:[3]
- Xénero Bos
- Bos frontalis - gaial
- Bos frontalis frontalis
- Bos frontalis laosiensis
- Bos frontalis sinhaleyus
- Bos gaurus - gauro
- Bos grunniens - iac
- Bos javanicus - banteng
- Bos javanicus javanicus
- Bos javanicus lowi
- Bos sauveli - cuprei
- Bos primigenius
- Bos primigenius taurus - gando vacún doméstico
- Bos primigenius indicus - cebú
- Bos primigenius primigenius (†) - uro
Outra clasificación (de especies), considerando os subxéneros editar
- Xénero Bos
- Subxénero Bos
- Bos primigenius (uro) †
- Bos taurus (boi, forma doméstica de Bos primigenius)
- Bos indicus (cebú, forma domesticada de Bos primigenius)
- Bos aegyptiacus (boi exipcio; nome non recoñcido polo SIIT) †
- Bos acutifrons †
- Bos planifrons †
- Subxénero Bibos
- Bos gaurus (gauro)
- Bos frontalis (gaial, froma doméstica de Bos gaurus)
- Bos javanicus (banteng)
- Bos palaesondaicus (banteng do plistoceno) †
- Subxénero Novibos
- Subxénero Poephagus
- Bos grunniens (iac; tamén chamado Bos mutus)
En 2003, a Comisión Internacional de Nomenclatura Zoolóxica (ICZN) resolveu unha longa disputa sobre o nomen das especies de Bos (ou pares de especies) conteñen formas tanto silvestres como domesticadas. A Comisión "conserva o uso de 17 nomes específicos baseados en especies silvestres e as baseadas en formas domésticas", confirmando Bos primigenius para o uro e Bos gaurus para o gauro. Se o boi e o gaial domésticos son considerados como especies separadas, nomearanse como Bos taurus e Bos frontalis; porén, se se consideran parte da mesma especie que os seus parentes silvestres, as especies comúns deberán denominarse Bos primigenius e Bos gaurus.
Notas editar
- ↑ Non recoñecida por todos os autores.
- ↑ Para algúns autores, subespecie de Bos primigenius.
- ↑ 3,0 3,1 Wilson, D. E. & Reeder, D. M. (editors) (2005): Mammal Species of the World. A Taxonomic and Geographic Reference (3ª ed).
Véxase tamén editar
| Wikimedia Commons ten máis contidos multimedia na categoría: Bos |
| Wikispecies posúe unha páxina sobre: Bos |
Bibliografía editar
- Briggs, H. M. e Briggs, D. M. (1980): Modern Breeds of Livestock. Macmillan Publishing.
- Groves, C. P. (1981): "Systematic relationships in the Bovini (Artiodactyla, Bovidae). Zeitschrift für Zoologische Systematik und Evolutionsforschung, 4:264-278. Citado en: Wilson, D. E. & Reeder, D. M. (editors) (2005): Mammal Species of the World. A Taxonomic and Geographic Reference (3rd ed).
- International Commission on Zoological Nomenclature (2003): Opinion 2027 (Case 3010). Usage of 17 specific names based on wild species which are pre-dated by or contemporary with those based on domestic animals (Lepidoptera, Osteichthyes, Mammalia): conserved. Bull. Zool. Nomencl., 60: 81-84.
- Kowalski, Kazimierz (1981): Mamíferos. Manual de teriología. Madrid: H. Blume Ediciones. ISBN 84-7214-229-9.
- Wilson, D. E. & D. M. Reeder, editors (2005): Mammal species of the world: a taxonomic and geographic reference. Third edition. The Johns Hopkins University Press. Baltimore, Maryland, USA. ISBN 0-8018-8221-4.
Outros artigos editar
Ligazóns externas editar
- Bos en ADW (en inglés)
- Bos no SIIT (en francés)
- Bos no NCBI (en inglés)
- Bos na UICN (en inglés)
- Vasey, George (1862): A monograph of the genus Bos. The natural history of bulls, bisons, and buffaloes. Exhibiting all the known species, and the more remarkable varieties. With an introduction, containing an account of experiments on rumination, from the French of M. Flourens (1857)