Bjørnstjerne Bjørnson

Bjørnstjerne Martinus Bjørnson, nado en Kvikne o 8 de decembro de 1832 e finado en París o 26 de abril de 1910, foi un escritor noruegués que recibiu o premio Nobel de Literatura en 1903. Durante a súa mocidade estudou na Universidade de Cristianía.

Bjørnstjerne Martinus Bjørnson
Nome completo	Bjørnstjerne Martinius Bjørnson
Nacemento	8 de decembro de 1832
	Kvikne, Noruega
Falecemento	26 de abril de 1910
	París, Francia
Soterrado	Cemitério Vår Frelsers
Nacionalidade	Noruega
Relixión	cristianismo
Alma máter	Universidade de Oslo
Ocupación	poeta, dramaturgo, escritor, xornalista, prosista e político
Pai	Peder Bjørnson
Nai	Inger Elise Nordraach
Cónxuxe	Karoline Bjørnson
Fillos	Bergliot Ibsen, Bjørn Bjørnson, Erling Bjørnson, Dagny Bjørnson Sautreau, Einar Bjørnson e Anders Underdal
Xéneros	novela
Premios	Premio Nobel de Literatura
Na rede
[ editar datos en Wikidata ]

Obra

Novela

As súas novelas primixenias, como Synnove Solbakken (1857), trataban sobre a vida campesiña. Nas súas obras posteriores, entre as cales hai dramas, como Kong Sverre (1858), Sigurd Slembe (triloxía, 1862), En Fallit (1874); comedias, como Nygifte (1865); e narracións, como Magnhild (1877), puido demostrar a vida e costumes do seu país, e os seus temas principais eran de reforma social. Nas súas obras mostrou opinións liberais e democráticas, promulgou o individualismo e a fe na verdade e a natureza.

Poesía

Da súa obra poética pódese mencionar Bergliot (poema épico, 1865) e a recompilación de poesías que o erixiu como poeta nacional, Digte og sange (1870), da que se destaca a coñecida Ja, vi elsker dette landet (Si, amamos esta terra), que se converteu no Himno Nacional Noruegués.