Bernardo Mateo Sagasta
Bernardo Mateo Sagasta Echeverría, nado en Pontevedra o 21 de setembro de 1866 e finado o 2 de novembro de 1937, foi un enxeñeiro agrónomo e político galego.
.jpg)  | |
| Biografía | |
|---|---|
| Nacemento | 21 de setembro de 1866 Pontevedra, España |
| Morte | 2 de novembro de 1937 (71 anos) |
| Lugar de sepultura | camposanto de San Isidro 40°24′01″N 3°43′47″O / 40.400231, -3.729794 |
 Deputado das Cortes | |
| | |
| Datos persoais | |
| País de nacionalidade | España |
| Actividade | |
| Ocupación | político , enxeñeiro agrónomo |
| Partido político | Partido Liberal Fusionista |
| Membro de | |
| Lingua | Lingua castelá |
| Familia | |
| Pai | Pedro Mateo Sagasta |
| Parentes | Práxedes Mateo Sagasta (curmán entregue) |
Traxectoria editar
Fillo de Pedro Mateo Sagasta Escolar[1]. Foi Inspector xeral do Corpo de Enxeñeiros Agrónomos, e director da Escola especial do seu Corpo. Presidente da Asociación de Enxeñeiros Agrónomos. Vocal da Comisión permanente de Pesas e Medidas e do Consello Superior de Agricultura, Industria e Comercio. Delegado de España en varios congresos internacionais. Director xeral do Instituto Xeográfico e Estatístico e de Correos e Telégrafos (1910-1913).
Foi Ministro de Facenda interino durante a ausencia de Ángel Urzáiz no verán de 1905[2]. Membro da Real Academia das Ciencias Exactas, Físicas e Naturais[3].
Membro do Partido Liberal, foi elixido deputado polo distrito de Caldas de Reis nas eleccións de 1893. Continuou representando o distrito nas sucesivas eleccións ata 1923.
Convencido de que Miguel Primo de Rivera quería destruír o Expediente Picasso -informe redactado polo xeneral Juan Picasso González, destinado no Consello Supremo de Guerra e Mariña, en relación aos feitos acontecidos na Comandancia Xeral de Melilla nos meses de xullo e agosto de 1921: o chamado Desastre de Annual e o abandono das posicións- Mateo Sagasta rescatou o expediente dos arquivos e ocultouno na Escola Especial de Enxeñeiros Agrónomos, da que era director. Alí permaneceu ata a chegada da Segunda República, cando devolveu o Expediente ao Congreso en 1931.
Obras editar
- Importancia del agua en la agricultura, discurso leido en la Real Academia de Ciencias Exactas, Físicas y Naturales y contestación de Joaquín María Castellarnau, Madrid, Imprenta Renacimiento, 1916.
Notas editar
- ↑ xenealoxía Sagasta Echevarría, Bernardo
- ↑ 31/08/1905 [BOE 01/09/1905] a 11/09/1905 [BOE 12/09/1905]
- ↑ Relación de académicos 1847-2003
Véxase tamén editar
Wikimedia Commons ten máis contidos multimedia na categoría: Bernardo Mateo Sagasta  |