Benito Rodríguez Rodríguez
médico e político galego
Benito Rodríguez Rodríguez, nado no Rial, en Sabucedo (Porqueira) o 22 de febreiro de 1895 e finado o 12 de agosto de 1966, foi un destacado médico ourensán e militante esquerdista[1].
| Biografía | |
|---|---|
| Nacemento | 22 de febreiro de 1895  O Rial, España |
| Morte | 12 de agosto de 1966 (71 anos) |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | médico |
| Lingua | Lingua castelá |
Traxectoria editar
Licenciado en Medicina pola Universidade de Santiago de Compostela en 1921. Militou no Partido Republicano Radical. Consta que lle prestou axuda médica á partida de maquis de Casto Cabezas, activa na Baixa Limia e no Couto Mixto até a década de 1940. Carlos Casares, sobriño de Rodríguez, escribía isto a este respecto:
"O Cabezas entregouse na casa de meu tío Benito, na galería, cando eu tiña oito ou nove anos. Foi un alivio, pois daquel xeito acabáronse os compromisos de sair de noite a curar feridos, xogándose ir ó cárcere se non facía a denuncia correspondente, que nunca fixo."Carlos Casares, na columna "Á marxe"[2]
De feito, foi na casa do doutor Rodríguez onde acabaría entregándose o guerrilleiro antifranquista Casto Cabezas.
Notas editar
- ↑ Médicos y maquis gallego (I), Diario de un médico de guardia, 7 de febreiro de 2010 (en castelán).
- ↑ La Voz de Galicia, páx. 9, 23 de marzo de 1996. Recollido tamén na compilación Á marxe, Volume 5, páx. 90 (Galaxia, 2007).
Véxase tamén editar
Ligazóns externas editar
- Recuperando a Memoria (histórica) na sanidade galega (II). Médicos, Practicantes e “Maquis”. O apoio á guerrilla e aos represaliados na posguerra, por David Simón Lorda. Cadernos de atención primaria, volume 18, pp. 164-171 (2011).