Basket Torino
O Basket Torino, coñecido por motivos de patrocinio como Reale Mutua Torino, é un equipo de baloncesto profesional italiano da localidade de Turín, Piemonte. Foi fundado o 31 de maio de 2020 como sucesor do Auxilium Pallacanestro Torino. Desde a temporada 2019−20, o equipo compite na Serie A2 Basket, segunda categoría do baloncesto transalpino.
| Reale Mutua Torino | |
| |
| Información xeral | |
|---|---|
| Liga | Serie A2 |
| Fundación | 31 de maio de 2020 |
| Cores | Amarelo, azul |
| Presidente |  David Avino
|
| Adestrador | Edoardo Casalone
|
| Patrocinador | Reale Mutua |
| Localización | |
| Cidade | Turín, Italia
|
| Pavillón | PalaRuffini |
| Capacidade | 4 500 |
| Inauguración | 1961 |
| baskettorinoofficial.com | |
Historia
editarA cidade de Turín contaba cun equipo profesional na Serie A, máxima categoría do baloncento italiano. Entre os logros deste equipo estaban o chegar á final da Copa Korać en 1976 e unha Copa de Italia en 2018. Con todo, despois de meses de dificultades financeiras, o equipo perdeu a categoría, declarouse en quebra e anunciou a súa disolución.[1] Como resultado, foi fundado o Reale Mutua Basket Torino despois de que Stefano Sardara trasladase o seu club, Dinamo Academy Cagliari, desde Cagliari a Turín.[2] O equipo debutou na tempada 2019−20 na Serie A2 Basket, a segunda división de Italia. O 5 de xullo de 2019, presentouse o logotipo do equipo cun touro de Turín.
No debut do club na tempada 2019−20, Torino foi o primeiro na División Oeste cun rexistro de 18−8 antes de que se cancelase a temporada debido á pandemia de COVID-19. En xullo de 2020, un grupo de investidores turcos liderado polo adestrador de baloncesto Ergin Ataman converteuse en propietario do club. Na seguinte temporada, o equipo competiu no Grupo Verde da Serie A2, unha campaña sen o apoio en vivo dos seareiros debido á situación sanitaria. O equipo acabou a temporada regular cunha marca de 18−7, ocupando así o primeiro lugar. Na segunda fase da liga o Torino acanda o segundo lugar cun rexistro de 6−4, o que lle outorgaba o factor cancha nas primeiras eliminatorias polo ascenso. Nos cuartos de final o equipo conseguiu vencer por 3−0 contra a Mantovana, en tamén venceu por 3−0 contra o Scaligera Verona, mais nas finais saíron derrotados por 2−3 contra o Derthona Basket, equipo que finalmente conseguiu o ascenso á Serie A.
Patrocinadores
editarAo longo dos anos, debido a motivos de patrocinio, o equipo foi coñecido como:
- Reale Mutua Torino (2020–presente)
Notas
editar- ↑ "Basket: decretato il fallimento dell’Auxilium Torino, ma la pallacanestro del capoluogo piemontese ha un futuro". oasport.it (en italiano). 28 de xuño de 2019. Consultado o 4 de agosto de 2019.
- ↑ "Torino will have a new team in Serie A2 named Reale Mutua Torino. Sardara majority shareholder". Sportando (en inglés). 24 de maio de 2019. Arquivado dende o orixinal o 07 de xullo de 2019. Consultado o 4 de agosto de 2019.