Bandeira de San Vicente e as Granadinas
A bandeira de San Vicente e as Granadinas foi adoptada o 21 de outubro de 1985. É unha bandeira composta por tres franxas verticais de cor azul (a máis próxima ó mastro), amarela (a central) e verde (a exterior). A franxa amarela é de dobre anchura respecto ás outras dúas e contén, na súa parte central a letra V, formada con tres rombos ou diamantes verdes, dous situados nos extremos e o terceiro no centro.
| Bandeira de San Vicente e as Granadinas | |
|---|---|
 | |
| Características | |
| Uso | |
| Proporción | 7:11 |
| Adopción | 21 de outubro de 1985 |
| Cores | Amarelo Verde Azul |
Os rombos ou diamantes verdes forman a letra V, inicial de San Vicente que dá nome ó país. A cor verde representa a vexetación exuberante de San Vicente e a permanente vitalidade da súa poboación. Esta cor tamén alude ó termo que define a San Vincente e as Granadinas como "as xemas das Antillas". A cor azul simboliza o ceo e o mar que rodea as illas. O amarelo representa a cordialidade, o espírito alegre dos seus habitantes e as douradas praias das Granadinas.
A bandeira de San Vicente e as Granadinas tamén é coñecida polo nome de “as xemas”.
Outras bandeiras editar
-
1979 a 1985 -
Marzo a outubro 1985
.svg)
.svg)