Baltar, Melide

Para outras páxinas con títulos homónimos véxase: Baltar.

Santiago de Baltar é unha parroquia que se localiza no norte do concello de Melide. Segundo o padrón municipal de 2018 tiña 56 habitantes (29 mulleres e 27 homes) distribuídos en 6 entidades de poboación, o que supón unha diminución en relación ao ano 1999 cando tiña 72 habitantes.

Baltar
Igrexa de Santiago de Baltar.
Concello	Melide
Provincia	A Coruña
Coordenadas	42°58′15″N 8°07′11″O
Poboación	56 hab. (2018)
Entidades de poboación	6
[ editar datos en Wikidata ]

Patrimonio

• Nesta parroquia áchase un dos dous reloxos de sol do concello. O outro atópase na parroquia de Folladela.
• Antiga escola de Baltar: Edificio de cachotaría nos perfís no medio dunha carballeira. Foi escenario da serie da TVG, Libro de familia.
• Cruceiro de Santiago de Baltar: Data de 1667 consonte á inscrición no pedestal. A cruz, de sección rectangular, está decorada con cabezas de anxo con ás; no anverso ten a imaxe de Cristo crucificado e no reverso a da Inmaculada coas mans en actitude orante e a lúa ós seus pés. O capitel é cilíndrico con astrágalo circular e liso, ábaco de lados curvos e vértices achaflanados, volutas, querubíns e follas de bordos lobulados. O fuste, de sección circular, ten estrías e boceis, coas imaxes de Santo Andrés e San Xoán. O pedestal, con forma de tronco de pirámide cuadrangular, remata nunha roda moldurada; nas súas catro caras, ademais da inscrición mencionada onde figura a data de construción, aparecen os símbolos da Paixón de Cristo: tenaces, corazón, martelo, palma, sapo, píntega, esponxa, lanza, cruz, coroa, escaleira, tres cravos e caveiras nas arestas.

Galería de imaxes

• 
  Hórreo en Baltar.
• 
  Cruceiro de Baltar na carballeira.

Cruceiro de Baltar

• 
  Vista xeral.
• 
  Anverso.
• 
  Reverso.
• 
  Santo Andrés.
• 
  San Xoán.
• 
  Pedestal 1.
• 
  Pedestal 2.
• 
  Pedestal 3.
• 
  Pedestal 4.

Lugares e parroquias

Véxase tamén

Outros artigos

• Lugares de Melide